"Hər kəs onun dini mənsubiyyətindən asılı olmayaraq törətdiyi cinayət əməllərinə görə cəzasını almalıdır"-DEPUTAT

"Azərbaycanın təhlükəsizlik orqanları tərəfindən həbs olunaraq barələrində istintaq prosesini davam etdirilən separatçılar hərbi cinayətkarlardır".

Bu sözləri Sonxeber.az-a Milli Məclisin deputatı Azər Badamov deyib.

O bildirib ki, onlar azərbaycanlılara qarşı soyqırımlar, insanlığa məxsus olmayan vəhşiliklər törətdiklərinə görə saxlanılıblar. Saxlanılmış separatçıların hər birisinin onlarla, hətta yüzlərlə cinayətlərdə həm təşkiılatçı, həm də birbaşa iştirakçılığı var. İstintaq orqanlarımız həbs olunanların hər birisinin törətdiyi cinayətlərin əhatə dairəsini araşdırır.

"Araşdırmalar nəticəsində onların törətdiyi cinayətlərin əhatə dairəsi genişlənməkdədir. Təbii ki, hər birisi qanunlarımız qarşısında cavab verəcək və layiqli cəzalarına məhkum olunacaqılar. Amma təəssüf ki, ermənidən çox erməniliyi nümayiş etdirən bəzi qərb dairələri ermənilərin saxta yalanlarını əsas götürərərk ədalətsizlik nümayiş etdirir və əli azərbaycanlıların qanına batmış cinayətkarların statusunu dəyişdirərəlk siyasi məhbus adını verməyıə çalışırlar. Təbii ki, bu mümkünsüzdür. Çünki, onları kimin necə adlandırılmasından asıllı olmayaraq onlar bizim üçün cinayətkarlardır və müvafiq cəzalarını alacaqlar. Lakin Qərb ikili stantardtlar nümayiş etditrməkdə davam edir. Belə ki, Ermənistanı hərbi yardımlar edilməklə yenidən revanşizmə hazırlayır, cinayətkarları siyasi məhbus adlandırmağa çalışır, öz istəkləri ilə Qarabağı tərk etmiş insanlara görə Azərbaycanı etnik təmizlənmədə günahlandırmağa çalışırlar. Halbuki, əsil etnik təmizlənmə Ermənistan azərbaycanlılara qarşı etmişdir. Belə ki, 80-cı illərin sonunda Ermənistanda yaşayan 250 mindən çox azərbaycanlı güc yolu ilə öz doğma yurdlarından depportasiya olunması etnik təmizlənmə deyilmi? O cümlədən 90-cı illərin əvvəlində öz doğma vətənində məcburi köçkün olmağına məhkum edilən 750 mindən çox azərbaycanlının taleyini Siz avropalılar niyə narahat etmədi? Amma bu gün Qarabağı könüllü tərk etmiş bir ovuc erməni üçün yardımlar göndərmək üçün siz avropalılar cərgəyə düzülüb dəridən qabıqdan niyə çıxırsınız? Avropalılar nədi, müsəlmanları insan hesab etmirlər?. Əgər belə düşünürlərsə onlar çox yanılırlar. Qanunlar hamı üçün eynidir və hər kəs onun dini mənsubiyyətindən asıllı olmayaraq törətdiyi cinayət əməllərinə görə cəzasını almalıdır".

Telegramda izləyin