Dişi çəkilən 5 yaşlı uşaq öldü! Valideynləri klinikanı günahlandırdılar - FOTOLAR

Bursada diş ağrısı şikayəti ilə anası və atası tərəfindən klinikaya aparılan 5 yaşlı Deniz Sönməz 3 gün reanimasiyada qaldıqdan sonra həyatını itirib.

Sonxeber.az BiG.AZ-a istinadən xəbər verir ki, Atası Aydın Sönməz və anası Elena Sönməzlə diş ağrısı şikayəti ilə stomatoloji klinikaya gələn 5 yaşlı Deniz Sönməzə 4 plomb və 1 diş çəkilişi üçün ümumi narkoz verilib.

Narkozdan sonra otağa aparılan balacanın qızdırması olub. Dənizə su verildikdən sonra kiçik uşaq içdiyi suyu qaytarıb. Ananın iddiasına görə, 3 dəfə həkim çağırılsa da, "həkim, qızdırma salan dərman yazaq" deyib.

Ananın təcili yardım çağırmasına mənfi cavab verən həkimlər vəziyyətin "normal" olduğunu bildirərək Dənizi və anasını evə yola salıblar. Uşağın tatası bir müddət sonra evə gələndə oğlunun yarı şüurlu inilti səsləri gəldiyini eşidib.

Bundan sonra azyaşlı Bursa Dörtçelik Uşaq Xəstəxanasına aparılıb. Həkimlərin səyinə baxmayaraq, Dənizin vəziyyəti ağırlaşıb. İntubasiya edilən balaca Dənizin orqanlarının sıradan çıxdığı öyrənilib. 3 gün reanimasiyada olan Dəniz ötən gün orqan çatışmazlığından dünyasını dəyişib.

Hadisədə klinikanın səhlənkarlıq göstərdiyini iddia edən ana və ata prokurorluğa şikayət ediblər.

Telegramda izləyin