"Sülh yollarının kəsişməsi" region ölkələrinin iştirakı ilə reallığa çevrilməlidir"- Vahe Hovhannisyan

"Sülh yollarının kəsişməsi" layihəsi təkcə Ermənistanın deyil, həm də region ölkələrinin iştirakı ilə reallığa çevrilməlidir".

Sonxeber.az xəbər verir ki, bu sözləri Ermənistanın maliyyə naziri Vahe Hovhannisyan parlamentdə layihənin həyata keçirilməsi ilə bağlı hökumətin planlaşdırdığı tədbirlərlə bağlı sualı cavablandırarkən deyib.

"2024-cü ilin büdcəsində infrastrukturun inkişafı üçün xeyli vəsait nəzərdə tutulub. Büdcə layihələri, gələn il həyata keçirməyi planlaşdırdığımız konkret işləri əks etdirir. Bildiyiniz kimi, "Sülh yollarının kəsişməsi" təkcə bizim fəaliyyətimiz nəticəsində deyil, həm də region ölkələrinin iştirakı ilə reallığa çevrilməlidir. Belə bir razılaşma əldə edildikdə və bu ideya irəli sürüləndə bizim ehtiyat fondumuz yaranır ki, bura əsaslı xərclər üçün bölüşdürülməmiş vəsait daxildir. Həmin layihənin infrastrukturunu təmin etmək üçün bizim kifayət qədər vəsaitimiz olacaq", – Hovhannisyan bildirib.

Telegramda izləyin