İsrail Livan sərhədində mülki avtomobili atəşə tutması nəticəsində 4 nəfər ölüb

İsrail ordusunun Livanın cənubundakı sərhəd bölgəsində mülki avtomobili atəşə tutması nəticəsində 4 nəfər ölüb.

Sonxeber.az Livanın rəsmi agentliyi NNA-a istinadən xəbər verir ki, İsrail qüvvələri Livanın cənubundakı Kalayla və Əl-Şaaytiya qəsəbələri arasındakı yolda bir mülki avtomobili hədəfə alıb.

Avtomobildə olan 4 nəfərin həyatını itirdiyi bildirilib. Ölənlərin kimliyi ilə bağlı təfərrüatlar açıqlanmayıb.

İsrailin 8 oktyabrdan bəri Livana hücumları nəticəsində 3-ü jurnalist, 3-ü uşaq olmaqla, ümumilikdə 20 mülki vətəndaş həyatını itirib.

Telegramda izləyin