Azərbaycanda polislərin pensiya yaşı artırıla bilərmi? - AÇIQLAMA

Xəbər verdiyimiz kimi, Hərbi qulluqçularının pensiya təminatı ilə bağlı qanun layihəsi Milli Məclisə daxil olub. Qanun layihəsində bir sıra dəyişikliklərlə yanaşı, hazırlanmasına dövlət tərəfindən zaman və resurs sərf edilmiş hərbi qulluqçuların formalaşmış təcrübəsindən daha uzun müddət istifadə etmək məqsədilə hərbi qulluqçu kimi pensiyaya çıxmaq üçün minimum xidmətkeçmə tələbinin 20 təqvim ilindən 25 təqvim ilinə çatdırılması təklif olunur. Qeyd olunan dəyişiklik hərbi qulluqçuların pensiya təminatında hər hansı azalmanı istisna etməklə, bir sıra qurumların hərbi qulluqçularının pensiya təminatında artımı nəzərdə tutur. Bu baxımdan belə bir sual yaranır. Polislərin pensiya yaşı artırılması məsələsi gündəmə gələ bilər?

Mövzu ilə bağlı Sonxeber.az-a deputat Razi Nurullayev açıqlama verib. Onu sözlərinə görə, polislərin pensiya yaşının arıtırlması ilə bağlı məsələ Milli Məclisə daxil olmayıb:

"Qeyd etmək istəyirəm ki, Milli məclisdə hərbi qulluqçu kimi pensiyaya çıxmaq üçün minimum xidmətkeçmə tələbinin 20 ildən 25 ilinə artırılması məsələsi müzakirəyə çıxarılıb. Polislərin pensiya yaşının artırılması məsələsinin gündəmdə olacağın düşünmürəm".

Qeyd edək ki,qanun layihəsi qüvvəyə mindiyi tarixədək 20 təqvim ili və daha çox hərbi xidmət etmiş hərbi qulluqçular 25 təqvim ili hərbi xidmət müddətini tamamlayanadək hərbi xidmətdən buraxıldıqda, onlara da "Əmək pensiyaları haqqında" Azərbaycan Respublikası Qanununun 2024-cü il yanvarın 1-dək qüvvədə olan normaları tətbiq ediləcək. Bu normalar hərbi qulluqçuların qazanılmış hüquqlarından istifadəsinə hərtərəfli imkan verəcək.

Sevda Səfərova

Telegramda izləyin