"Vaxtilə 2 doz peyvənd olunmuş insanlar qızılcadan ömürlük qorunurlar" - Həkim-infeksionist

Azərbaycanda aprel ayından bəri 300-ə yaxın insan qızılcaya yoluxub.

Həkim-infeksionist Sadiqə Əliyeva Sonxeber.az-a bildirib ki, qızılca hava-damcı infeksiyası olduğuna görə ondan qorunmağın yeganə yolu peyvənddir.

Həkim qeyd edib ki, vaxtilə 2 doz peyvənd olunmuş insanlar qızılcadan ömürlük qorunurlar:

"Bu xəstəlikdən qorunmağın yeganə yolu peyvənddir. Yetkin insanlar üçün hazırda peyvəndimiz yoxdur. Ancaq Ümumdünya Səhiyyə Təşkilatının bildirdiyinə görə 2 doz peyvənd almış yetkin insanlar qızılcadan ömürlük qorunurlar. Yaxşı olar ki, vaxtilə peyvənd olunmayanlar peyvənd vurdursunlar.Peyvənddən başqa qabaqlayıcı tədbir yoxdur. Çünki bu, hava-damcı infeksiyasıdır. Maskadan istiafdə oluna bilər, amma o da tam qorumur".

Qeyd edək ki, 2023-cü ilin aprel ayından başlayaraq ölkə ərazisində 284 qızılcaya yoluxma hadisəsi qeydə alınıb. Onlardan 35-i yaşlı insanlar olub.

Şəbnəm Lətifi

Telegramda izləyin