Hərbçilərimizə işgəncələr verən Ermənistanı hansı cəza gözləyir? - AÇIQLAMA

"Azərbaycan insan hüquq və azadlıqları konvensiyasına qoşulmuşdur. Avropa insan haqları məhkəməsinin yurisdikası Azərbaycana şamil olunur. Bu şəxslər işgəncələrə məruz qalması ilə bağlı Avropa məhkəməsinə müraciət edə bilərlər. Avropa məhkəməsində bu məsələ araşdırılmalıdır. İşgəncə faktları ilə bağlı məsələlərə fərqli baxılır. Avropa məhkəməsinə müraciət Ermənistanı göstərməklə. İkinci tərəfdən Bmt insan hüquqlarına müraciət etmək hüquqları var. Orada şikayət verilə bilər. Komitənin qərarları hüquq pozuntusunu tanımaqdır. Onların effektiv və səmərəli qərarları olmur. Çünki işgəncələrdən müdafiə hüququ ən fundamental hüquqlarından biridir. İşgəncələrdən beynəlxalq konvensiyalarda ən çox qorunan hüquq sayılır".

Sonxeber.az xəbər verir ki, bu sözləri BiG.AZ-a açıqlamasında hüquqşunas Əliməməd Nuriyev deyib. Onun sözlərinə görə, hansı cinayətin törədilməsindən asılı olmayaraq, şərəf və ləyaqətin pozulması, pis rəftarın edilməsi, vətəndaşların işgəncələrə məruz qalması ilə bağlı müraciətlər əsas qorunan hüquqlardır:

"Ona görə bu alətlərdən istifadə edilməlidir. Vətəndaşlarımızın işgəncəyə məruz qalmasının video görüntüləri də var. Düşünün arxa planda onların başına nələr açıblar. Onların müsahibələrindən belə aydın görürük. Əlbəttə ki, eyni zamanda onlar fundamental olaraq həkim müayinəsindən keçməlidirlər. Qırmızı Xaçın onlar ilə bağlı işgəncələrə məruz qalması ilə əlaqədar hansısa məlumatlar əlində var. Qırmızı Xaçın funksional vəzifələri ondan ibarətdir ki, bu şəxslərin işgəncələrə məruz qalması faktını qeyd almaq və onları qorumaqdan ibarətdir. Onlar bu məlumatları saxlayıblar. Hərbçilərimiz Ermənistanda saxlanılarkən onları görmək imkanı Qırmızı Xaçda olub. Onların o qədər obyektiv olduğunu düşünmürəm. Bir sıra məsələlərdən sonra beynəlxalq Qırmızı Xaç cəmiyyəti onlara daha obyektiv yanaşılması üçün tədbirlər görüb. Hərhalda bu istiqamətdə yetərli məlumatlar var".

Əliməmməd Nuriyev bildirib ki, onların işgəncələrə məruz qalması tək xəsarət alması ilə kifayətlənməyib:

"Elə şəraitdə qala bilərlər ki ac-susuz, kobud rəftarı, digər psixoloji üsullar var ki, ermənilərin bu vəhşiliyinin şahidi olmuşuq. 1992-ci ildən bəri biz bunu görürük. Qərbi azərbaycanlılar qovularkən biz onların hansı işgəncələrə məruz qaldıqlarını gördük və eşitdik. Bu baxımdan hərbçilərimizin işgəncələrə məruz qalması ilə bağlı içimizdə bir inam var idi. Əminəm ki, Avropa məhkəməsinə bu məsələlər ilə bağlı obyektiv qərarlar qəbul edəcəkdir".

Telegramda izləyin