İşsiz olan şəxslər müavinət ALA BİLƏR? - CAVAB

2023-cü il iyulun 1-i vəziyyətinə ilkin məlumatlara əsasən Azərbaycanda iqtisadi fəal əhalinin sayı 5 milyon 224,3 min nəfər olmuş, onlardan 4 milyon 934,5 min nəfərini məşğul, 289,8 min nəfərini (və ya 5,5%-ni) işsiz əhali təşkil etmişdir. İşsizliyə görə müavinət kimlərə şamil edilir?

Məsələ ilə bağlı iqtisadçı Eyyub Kərimli Sonxeber.az-a açıqlama verib:
O bildirib ki, işşiz olan vətəndaşlar üçün hər hansısa bir ödəniş nəzərdə tutulmayıb:

"İşşiz olan vətəndaşlar üçün hər hansısa bir ödəniş nəzərdə tutulmayıb. Sadəcə olaraq işini itirən vətəndaşlar üçün sığorta almaq hüququ var. Bu zaman isə müəyyən amillər nəzərə alınır.

İlk olaraq işçinin iş yeri ləğv edilirsə, ixtisara düşürsə, müəssisə mülkiyyətçisi dəyişirsə, işini itirdiyinə görə məhkəmə qətnaməsi və işinə bərpa olunması ilə bağlı qərarları varsa, həmin müəssisədə çalışan işçi hərbi xidmətdən ehtiyata buraxıldıqdan sonra öz iş yerinə qayıtmaq hüququndan istifadə etməsi, əmək müqaviləsinin bitməsi nəticəsində əmək müqaviləsinə xitam verilmiş şəxslərə məşğulluq barədə Azərbaycan Respublikasının qanunlarına əsasən Əmək və Əhalinin Sosial Müdafiəsi Nazirliyi, əmək və məşğulluq sistemində işsiz kimi qeydiyyata alınmış şəxslərə şamil olunur. Digər hallarda işə vətəndaş sadəcə olaraq məşğulluqdan qeydiyyatdan keçə bilər. Bu zaman həmin şəxsə müxtəlif istiqamətdə işlər təqdim olunur".

Telegramda izləyin