Avropa İttifaqı Azərbaycana qarşı sanksiyalar tətbiq edə bilər? - AÇIQLAMA

Məlum olduğu kimi, Azərbaycan nümayəndə heyətinin AŞPA-da fəaliyyətini müvəqqəti olaraq dayandırıb. Eyni zamanda, , Avropa Şurası Parlament Assambleyası (AŞPA) Azərbaycan nümayəndə heyətini təsdiqləməkdən imtina edib. Avropa İttifaqının da Azərbaycana qarşı qərəzli mövqeyinin şahidi olmuşuq. Azərbaycan və Avropa İttifaqı əməkdaşlığı dayandırılacağı təqdirdə, Azərbaycana qarşı sanksiyalar tətbiq oluna bilər?

Məsələ ilə bağlı, politoloq Turab Rzayev Sonxeber.az-a bildirib ki, özlüyündə bu problem sanksiyalara gətirib çıxaracaq bir məsələ deyil. AŞPA-nın Azərbaycanın səsvermə hüququnun dondurması tamamilə siyasi bir addımdır:

"Bunun hansısa iqtisadi və digər bir effekti yoxdur. AŞPA-nın özünün hansısa bir qərar verməsidə Avropa İttifaqı üçün bağlayıcı deyil. Avropa İttifaqı üçün hansısa icraedicvə məcburedici gücü yoxdur. Burada AŞPA daha çox məsləhət-məşvərət xarakterli rol oynayır. İcra etdiyi qərarlarıda Avropa İttifaqına göndərir. Bu baxımdan hansısa şəkildə Azərbaycanla sanksiyaların bir əlaqəsi yoxdur. Ancaq digər tərəfdən Avropa İttifaqının Azərbaycana qarşı sistemli təzyiqi mexanizminin bir hissəsidirsə, AŞPA-nın bu qərarı ilə Avropa İttifaqı Azərbaycana xəbərdarlıq etmək mahiyyəti daşıyırsa, bunun davamı gələcəksə, əlbəttə ki, o zaman Azərbaycana qarşı növbəti mərhələlərdə daha sərt addımların atılmasını görə bilərik".

Turab Rzayev qeyd edib ki, ilkin olaraq bununla bağlı, cəmi iki faktor qeydə alınıb. Bunlardan birincisi odur ki, AŞPA deputatları Azərbaycanın səsvermə hüququnu dondurduqdan sonra, daha sonra Avropanın Fransanın tətbiq etdiyi sanksiyaya qoşulmağa çalışıb:

"Bu ciddi bir xəbərdarlıqdır. İkinci məsələ isə paralel olaraq AŞPA Azərbaycanın deputatlarının mandatını dayandırmaq barədə qərar verdiyi bir dövrdə Avropa İttifaqının rəsmisi açıqlama verdi. Ad çəkərək bildirdi ki, guya Azərbaycan Ermənistanı işğal etmək istəyir və Ermənistan ərazilərini istəməsi ilə bağlı iddiaları var. Bununla Azərbaycanı ittiham elədi. Buradan görünür ki, təkcə AŞPA-nın yox, Avropa İttifaqının Azərbaycan ilə bağlı problemləri var. Bunu həll etmək üçün Azərbaycan hakimiyyətində siyasi təzyiq göstərməyə çalışırlar. Ona görə ola bilər ki, növbəti mərhələdə biz Avropa İttifaqının Azərbaycan əleyhinə daha ciddi addımlar atdığını görəcəyik".

Politoloqun sözlərinə görə, bu addımlar fayda verməsə, Azərbaycan və Avropa İttifaqı arasında qarşılıqlı normallaşdırma prosesi getməsə, məhz o halda Avropa İttifaqının Azərbaycan əleyhinə daha ciddi tədbirlər görmə ehtimalı var:

"Bu isə daha uzaq bir perspektivdir. Çox uzunçəkən bir prosesdir və bu müddətdə Azərbaycan və Avropa İttifaqı rəsmiləri dil tapa bilsinlər. Çünki daha əvvəl ABŞ ilə münasibətlər gərginləşmişdir və daha sonra Antoni Blinkenin dövlət başçısına zəngi ilə, ABŞ-nin Azərbaycan rəsmilərinə qoyduğu yüksək rütbəli şəxslərə qoyduğu sərhəd sanksiyasını götürməsi, Obraynın Bakıya səfəri və cənab prezidentlə görüşməsi ilə bu ölkə ilə münasibətlər normallaşdı. İndi ola bilsin ki, paralel hadisələr ola və daha sonra təşkilat ilə münasibətlər normallaşa bilər".

Sevda Səfərova

Telegramda izləyin