"Ermənistanın törətdiyi cinayətlər Azərbaycan torpaqlarını işğaldan azad etdikdən sonra daha çox ortaya çıxmağa başladı" - Politoloq

Xocalı rayonu ərazisində kütləvi məzarlıq aşkar edilib. Məzarlıq təmir-tikinti işləri zamanı aşkarlanıb. Tapılan skelet qalıqlarının əsasən əlləri və ayaqları bağlı uşaq və qadınlara aid olduğu bildirilib.

Məsələ ilə bağlı politoloq Tural İsmayılov Sonxeber.az-a açıqlama verib.
O bildirb ki, Ermənistanın törətdiyi cinayətlər Azərbaycan torpaqlarını işğaldan azad etdikdən sonra daha çox ortaya çıxmağa başladı:

"Nəzərə almaq lazımdır ki, Ermənistanın azərbaycanlılara qarşı törətdiyi cinayətlər geniş yayılıb. Bu cinayətlərin izləri Azərbaycan torpaqlarını işğaldan azad etdikdən sonra daha çox ortaya çıxmağa başladı. Tapılan skelet qalıqları və kütləvi mezarlıqlar göstərir ki, biz necə vəhşi və insanlığını itirmiş ölkə ilə üz-üzə qalmışıq. Xocalıda və digər işğaldan azad edilmiş ərazilərimizdə tapılan insan qalıqlar Ermənistanın cinayətlərini növbəti dəfə dünya miqyasında ifşası üçün əsas yaradır.

Beynəlxaql hüquq bu məsələdə kifayət qədər işlək olmalıdır. Amma təəssüflər olsun ki, ortada aydın faktlar olsa da, həmçinin tapılan skelet qalıqlarında qadın və uşaqlara qarşı edilmiş vəhşiliklər öz əksini tapsada, bugünədək nə aidiyyatı təşkilatlar, nə də dövlətlər Ermənistana etdiyi cinayətlərə görə hansısa təzyiq etmir Bu bir daha dünyadakı ikiüzlülüyü və ədalətsizliyi növbəti dəfə nümayiş etdirir".

Telegramda izləyin