Hansı halda kişi qadını BOŞAYA BİLMƏZ? - CAVAB

Ədliyyə Nazirliyinin rayon (şəhər) qeydiyyat şöbələri keçən il ərzində ölkədə 54 200 nikaha daxilolma və 21 688 boşanma halları qeydə alıb.2022-ci illə müqayisədə əhalinin hər 1000 nəfərinə nikahların sayı azalaraq 6,1-dən 5,3-ə düşüb, boşanmaların sayı isə 1,6-dan 2,1-ə qədər artıb.

Bəs hansı hallarda kişi qadını boşaya bilməz.

Məsələ ilə bağlı vəkil Elvin Əliyev Sonxeber.az-a açıqlama verib.
Vəkil məsələyə aydınlıq gətirib:

"Hər bir şəxsin nikaha daxil olmaq hüququ olduğu kimi qarşı tərəflə aralarında olan nikahı ləğv etdirmək hüququ da var. Bu zaman uşaqların hansı valideyinin himayəsində qalması, uşaqların saxlanması üçün alimentin kəsilməsi və s. məsələlər öz həllini tapır. Lakin elə hallar var ki, qanun ərin nikahda olduğu arvadı ilə aralarında olan nikaha xitam verməsi hüququnu məhdudlaşdırır. Azərbaycan Respublikasının Ailə Məcəlləsinin 15-ci mafdəsinə əsasən ərin nikahın pozulmasını tələb etmək hüququ məhdudlaşdırılır. Belə həmin maddəinin tələbinə görə arvadın hamiləliyi dövründə və ya uşağın doğulmasından sonra 1 il müddətində arvadın razılığı olmadan ər nikaha xitam verilməsi barədə iddia qaldıra bilməz".

Qeyd edək ki, nikah səviyyəsi Bakı şəhəri (5,6), Şərqi Zəngəzur (6,2), Qarabağ (6,1), Mil-Muğan (5,9), Dağlıq Şirvan (5,8), ŞirvanSalyan (5,7), Qazax-Tovuz və Mərkəzi Aran (5,5), Quba-Xaçmaz (5,4) iqtisadi rayonlarında ölkə göstəricisindən yüksək olub.

Telegramda izləyin