Sərhəddə xidmət edən əsgərlərimizə simsiz telefon və GPS sistemindən istifadəyə icazə verilməlidir! - TƏKLİF

Xəbər verdiyimiz kimi, fevralın 28-də səhər saatlarında Laçın rayonu ərazisində xidməti mövqelər arasında hərəkət edərkən əlverişsiz hava şəraitində itmiş Azərbaycan ordusunun əsgəri Ruslan Pənahov Ermənistan tərəfinə əsir düşüb. Ermənistan İstintaq Komitəsi fevralın 28-də səhər saatlarında Laçın rayonu ərazisində xidməti mövqelər arasında hərəkət edərkən əlverişsiz hava şəraitində itmiş Azərbaycan ordusunun əsgəri Ruslan Pənahov barəsində cinayət işi açıb. Bəs Azərbaycanda sərhəddə xidmət çəkən əsgərlərin azmaması üçün hansı işlər görülməlidir?

Mövzu ilə bağlı, hüquqşünas Ələsgər Məmmədli Sonxeber.az-a açıqlamasında bildirib ki, həqiqi hərbi xidmətdə olan bir əsgərin ilk növbədə komandir heyəti müəyyən qədər məsuliyyət daşıyır:

"Belə ki, onun tapşırıqları yerinə yetirmək, əraziləri tanımaq, xəritə işləmək, ekstremal situasiyalarda davranış qaydaları ilə bağlı kifayət qədər təlim keçirilməyib. Bu artıq neçənci haldır ki, bizim əsgərlərimiz arasında baş verir. Onlar ərazini bilmədikləri üçün qarşı tərəfə keçə bilirlər. Hava şəraiti nə olursa olsun ən azından günümüzün texnoloji imkanları baxımından GPS sistemindən bu tip ərazilərdə əsgərlər tərəfindən istifadəsinə icazə verilməlidir. Çünki adicə mobil telefonlarda belə, internet olmadığı halda konkret olaraq xəritədən istifadə mümkündür. Bu baxımdan sərhəd bölgəsində xidmət edənlərin SİM kartı olmasa belə telefon imkanları olmaldır. Bu baxımdan əsgərlərimizin azmaması üçün onlar texniki vasitə ilə təmin edilməlidir. Bu artır ikinci dəfədir ki, Ermənistan bu maddələr ilə hərbçimizi ittiham edir. Cinayət Məcəlləsinin bu maddələrinin irəli sürülməsi əsasən Ermənistanın bazar xarakterli siyasətidir. Dağın başında bölgədə əsgərimizin "əməliyyat" keçməsi gülünc yanaşmadır. Bu baxımdan hesab edirəm ki, uzun çəkmədən hazırda XİN başçılarının görüşü davam edən Almaniyada bu tip məsələ öz həllini tapmalıdır. Qısa müddətdə əsgərimiz qaytarılmalıdır".

Xatırladaq ki, təxribata,Ermənista tərəfi başqalarının həyatı üçün təhlükəli üsulla adam öldürməyə , milli, dini nifrət, dözümsüzlük və düşmənçilik zəminində adam öldürməyə cəhd , qanunsuz olaraq odlu silah və döyüş sursatı gəzdirmə və daşıma, qaçaqmalçılıq yolu ilə odlu silah və döyüş sursatı keçirmə,maddələrini ilə Ruslan Pənahova cinayət işi açıb.

Sevda Səfərova

Telegramda izləyin