52 yaşlı oğul anasından inciyib özünü GÜLLƏLƏDİ

Rusiyanın Moskva şəhərində oğul 71 yaşlı anasından qisas almaq qərarına gəlib və tapança ilə başına atəş açıb.

Lent.az yerli mediaya istinadla bildirir ki, təqaüdçü mətbəxdə noutbukunda vaxt keçirərkən 52 yaşlı oğlu həmin an kompüter oyunu oynamaq istəyib və qalmaqal yaradıb, daha sonra otağına çəkilib. Qadın onun sakitləşdiyini düşünüb. Lakin kişi tapançasını çıxarıb, başına atəş açıb və huşunu itirib.

Ancaq qulaqcıqla seriala baxan təqaüdçü atəş səsini belə eşitməyib. O, yalnız bir neçə saat sonra dəhşətli mənzərəni görüb. Yaşlı ana dərhal təcili yardım çağırıb və zərərçəkən xəstəxanaya yerləşdirilib. Hazırda kişinin həyatı və sağlamlığı üçün təhlükə yoxdur. O, psixiatriya palatasında həkimlərin nəzarəti altındadır.

Yerli sakinlərin sözlərinə görə, oğulla ana arasında mübahisələr mütəmadi olaraq baş verir. Çox vaxt fikir ayrılıqları kişinin alkoqoldan asılılığı səbəbindən baş verir.

Polis hadisə ilə bağlı araşdırmaya başlayıb və məlum olub ki, zərərçəkmişin şəxsi yaşayış sahəsi olsa da, anası ilə yaşamağa üstünlük verir.

Telegramda izləyin