Dünyada artıq çəkidən əziyyət çəkən insanların SAYI

Dünyada obez insanların sayı bir milyardı keçdiyi müəyyən edilib.

Lent.az xarici mediaya istinadən xəbər verir ki, 2022-ci ildə uşaqlar və yeniyetmələr arasında piylənmə nisbəti 1990-cı illə müqayisədə dörd dəfə çoxdur. Piylənmə nisbətləri qadınlarda iki dəfədən çox, kişilərdə isə təxminən üç dəfə artıb. Ümumilikdə 2022-ci ildə 159 milyon uşaq və yeniyetmə və 879 milyon böyük obez olub.

Çəki azlığı baxımından, 1990-2022-ci illər arasında dünya miqyasında bu xəstəliyi olan uşaq və yeniyetmələrin nisbəti qızlar arasında təxminən beşdə bir, oğlanlar arasında isə üçdə birdən çox azalıb. Eyni dövr ərzində dünya üzrə çəkisi az olan yetkinlərin nisbəti yarıdan çox azalıb.

Piylənmə və çəki azlığı qida çatışmazlığının formasıdır və bir çox cəhətdən insanların sağlamlığına zərər verir. Yetkinlərin bədən kütləsi indeksi (BKİ) hər kvadratmetr üçün 30 kiloqramdan çox və ya ona bərabər olduqda piylənmə, BKİ hər kvadrat metrə 18,5 kiloqramdan az olduqda isə aşağı çəkili hesab olunurdu.

Telegramda izləyin