"Məktəbləri idarə edən şəxslərin bu sahədən uzaq olmasının nəticələrini yaşayırıq" -TƏNQİD

Son günlər məktəblərdə ardıcıl olaraq bir neçə qalmaqallı hadisə baş verib. Son zamanlar baş verən hadisələri də nəzərə alsaq, məktəblərdə yaranan bu halların səbəbi nədir?

Məsələ ilə bağlı təhsil ekspert Elşən Qafarov Sonxeber.az-a açıqlama verib:

Təhsil ekspeti təhsil sistemində tərbiyyə ilə bağlı ciddi problemlərin olduğunu vurğulayıb:

"Qız və oğlan şagirdlər arasında bıçaqlanma və cinayət ilə yekunlaşan hadisələr armaqdadır. Nəticə göz qabağındadır. Təhsil sistemimizdə tərbiyyə ilə bağlı ciddi problemlər var Bu bir sıra obyektiv və subyektiv səbəblərlə bağlıdır.

Təhsil sisteminin idarə edilməsində ciddi boşluqlar var. Təhsili idarə edən şəxslərin bir başa təhsillə bağlı olmamasının nəticələrini biz yaşamaqdayıq . Çünki təlim-tərbiyə sahəsi spesifik sahədir . Bu sahənin idarə edilməsində, rəhbər vəzifələrdə, mühitin yaradılmasında təhsil ilə bağlı insanlar olmalıdır. Çox təəssüf ki, bu sahədə təhsillə bağlı insanların olmaması məsələnin spesifik xüsusiyyətlərini görə bilməməsi ilə nəticələnir. Bu da tərbiyyə sisteminin yuxardan aşağı dağılmasın gətirib çıxardı. Bu dağılmanın nəticələrini hər birimiz görməkdəyik".

Ekspert təhsil sisteminin idarə edilməsi ilə bağlı hüquqi bazanın aşağı səviyyədə olmasını vurğulayıb:

"İkinci səbəb isə təhsil sisteminin idarə edilməsi ilə bağlı hüquqi bazanın aşağı səviyyədə olmasıdır. Artıq 8 aydır ki, Ümumitəhsil üzrə dövlət agentiyi yaranıb. Amma biz hələ də bu agentliyin fəaliyyəti görə bilmirik. Eyni zamanda Elm və Təhsil nazirliyi özündə də ümumitəhsil və məktəbəqədər şöbənin qalması da bu da səlahiyyətlərin düzgün bölünməməsinə gətirib çıxarıb. Ümumitəhsil məktəblərinin nizamnaməsi yoxdur. Qaydalar yoxdur. Bu sahədə çox ciddi boşluq var.

Subyektibv səbəb isə ailələr ilə bağlıdır. Ölkəmizdə ailə institutu dağılmaqdadır. Valideyn məsuliyyəti tamami ilə aradan qalxıb. Bunun acı nəticələrini artıq görürük.Bununla bağlı ciddi addımlar atılmalıdır. Biz artıq gecikirik".

Telegramda izləyin