Bu ay "Nurgün motors"la bağlı iki protokola baxılacaq - Valyuta vəsaiti xaricdən geri qaytarılmayıb - Külli miqdarda cərimə gözləyir

"Nurgün motors" MMC-yə yazılan cərimə protokollarına baxılacaq tarixlər açıqlanıb.

Pravda.az-ın xəbərinə görə, protokolun birinə Nəsimi Rayon Məhkəməsinin hakimi Solmaz Mustafayevanın sədrliyi ilə aprelin 9-da, digərinə isə həmin rayon məhkəməsinin hakimi Anar İbadzadənin sədrliyi ilə aprelin 16-da baxılacaq.

Qeyd: Mərkəzi Bank protokolları İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir) maddəsinə əsasən tərtib edib.

Telegramda izləyin