"İran çalşır ki, Ermənistan 4 kəndi Azərbaycana qaytarmasın və Zəngəzur dəhlizinin açılmasın" - AÇIQLAMA

İran hava yollarına məxsus "Boeing" yük təyyarəsi ilə Ermənistana davamlı olaraq silah daşınır.İrana məxsus "Boeing 747-21AC " yük təyyarələri ilə Ermənistana silah daşımalarına bu il martin 29-dan başlanılıb. "MaidenTower" bəhs olunan məlumatı təsdiqləyən hava marşrutunun uçuş xəritəsini də paylaşıb.

Bununla Bağlı Sonxeber.az-a danışan politoloq Elxan Şahinoğlu bildirib ki, Ermənistan İranla sıx münasibətlər qurmağa və əməkdaşlıq etməyə çalışır:

"Əgər İran Ukraynanı vurmaq üçün Rusiyaya dronlar verirsə mümkündür ki, eyni silahları Ermənistana da göndərsin. İran bu silahları quru yolla və yaxud da təyyarələr vasitəsilə daşıya bilər. Maraqlıdır ki, İran ABŞ və Avropa dövlətlərini şeytan adlandırır, digər tərəfdən faktiki olaraq eyni mövqedən çıxış edərək Ermənistanı silahlandırır. Azərbaycan torpaqlarının işğalı dövründə də İran Ermənistanla sıx əməkdaşlıq edirdi. 30 il ərzində Qarabağ üstündən narkotik vasitələr daşınıb. Separatçıların İrandakı mərkəzlə əlaqələri vardı. Azərbaycanın ərazi bütövlüyünü təmin etməsi sanki İrandakı bəzi mərkəzlərin maraqlarına cavab vermir. Günbəgün Azərbaycanın güclənməsi İranın maraqlarına ziddir. Bunun üçün də İran çalışır ki, Ermənistan Azərbaycanın qarşısında zəyif olmasın. Hətta Ermənistan 4 kəndi Azərbaycana qaytarmasın və Zəngəzur dəhlizi açılmasın. İran bu gün tək məqsədi budur. Bunun üçün də İran göndərdiyi silahlarla Ermənistanı gücləndirməyə çalışır. İranın bu məqsədi alınmayacaq. Çünki Azərbaycanın gücü və resursları böyükdür. Ermənistana nə qədər silah versələr də Azərbaycan ordusunun gücünə çata bilməyəcək. Hər halda İranın bu addımları Azərbaycanla münasibətlərin normallaşmasına əngəldir".

Telegramda izləyin