Gənclərin asan yolla pul qazanmaq HƏVƏSİ: "Təhsilin əhəmiyyəti əvvəlki kimi aktual deyil" - ARAŞDIRMA

Günümüzün ən böyük problemlərindən biri sosial media aludəçiliyidir. Artıq gənclərimiz sosial media platfrmalarında itirmək üzrəyik. Sürətlə inkişaf edən texnoloji tətbiqlərin düzgün istifadə edilməməsi gənclərin yox olmasına səbəb olur. Hər kəs sosial şəbəkələrdən istifadə edə və onunla maraqlana bilər, biz bunu tənqid etmirik. Məsələ burada platformaların şüursuz şəkildə istifadəsidir. Kamera qarşısına keçib özünü relam edən və sosial şəbəkədən pul qazanan şəxsləri demək olar ki, hər gün görürük. Digər tərəfdən sosial şəbəkədəki qazanılan pulları görüb, bu istiqamətdə həvəslənən gənclərimizdə az deyil. Sosial şəbəkələri bağlamaqla məsələ həll olan deyil. Gənclərimiz təhsili qırağa qoyub niyə asan yolla pul qazanmaq üçün sosial şəbəkədən istifadə edirlər? Bu psixologiyadan necə xilas olmaq lazımdır?

Mövzu ilə bağlı Sonxeber.az-a danışan təhsil eksperti İlqar Orucov, Azərbaycan gənclərinin təhsildən uzaqlaşması problemi olduğunu düşünmür:
" Hətta mən fikirləşirəm ki, son illər gənclərin təhsilə marağı xeyli artıb. Ola bilsin ki, hansısa gənclər hansısa sosial şəbəkəsində fenomen olum, pul qazanım yaxud bununla yaşayım kimi fikirlərə düşür. Əlbəttə ki, belə yanaşmalarda ola bilər. Bütövlükdə bizim gənclərimiz təhsil almaqda maraqlıdırlar. Ola bilsin ki, bütün gənclərimiz ali təhsil almasın. Biz ali təhsil müəssisələrinə qəbuluna baxsaq, hər il kifayət qədər sənəd verən abituriyentlərin sayında artım var. Ali təhsil müəssisələrinin qəbul prosesində bu marağı biz görürük. Təkcə bizim gənclərimiz Azərbaycanda təhsil almaqda maraqlı deyillər. Eyni zamanda Azərbaycan gənclərinin biz təhsil uğurlarının səsini və sorağını nüfuzlu ali təhsil müəssisələrindən eşidirik. Azərbaycan hər il on minlərlə gənci dünyanın müxtəlif ölkələrinə təhsil almaq məqsədilə gedir. Mən düşünürəm ki, Azərbaycanda gənclərimizin peşə təhsili almaqları ilə bağlı maraqlı var var. Əlbəttə ki, yeni trendlər meydana çıxır. Yeni fəaliyyət meyilləri ola bilər. Gələcəkdə yeni trendlər nə olacaqsa ona uyğunlaşmaq istəyənlərdə olacaq. Bu başa düşüləndir. Açığı bu trendlərdən və yeni fəaliyyətlərdən doğru şəkildə istifadə olunarsa sosial şəbəkənində faydası var. Amma əlbəttə ki, bunların heç biri təhsilin yerini verə biləcək amillər deyil. Müvafiq sahə üzrə ixtisaslaşma və mütəxəssis olmaq üçün təhsil kimi ikinci bir vasitə ola bilməz. Bəşəriyyət inkişaf və uğurlu yol üçün təhsildən başqa yol tapa bilməyib. Mən düşünürəm ki, gənclərimiz peşakarlığı məşğul olduqları sahədə əldə edə bilərlər. Bu peşəkarlığın yolu isə ancaq təhsildən keçir".

Klinik psixoloq, psixoterapevt Rövşən Nəcəfovun sözlərinə görə, real həyatda olduğu kimi, rəqəmsal dünyada da insanların davranışları onların düşüncələri ilə tənzimlənir:
""TikTok" sosial şəbəkəsinin yayılması və inkişaf etməsi insanların rahat informasiya qəbul etmək və əylənmək kimi emosiyaları və tələbatlarından irəli gəlir. İnsanlar artıq rahat və əyləncəli formada məlumatlar əldə etmək istəyirlər. Bu hər zaman belə olub. Bayağılıq intellektdən daha üstündür, intellekt hər zaman azlığın düşüncəsidir. Bunu heç vaxt unutmayaq. İntellektə istinad edən insanlar hər zaman bayağılığın içində öz həqiqətlərini qorumağa çalışırlar. Bu zamanda fərqli mövqe yaranır. Bu mövqedə biz bayağılıq və intellektin toqquşduğunu görürük. Belə olan halda isə belə mənzərə yaranır. İndiki gənclər bayağılığa müraciət edirlər. Təhsilin əhəmiyyəti əvvəlki kimi aktual deyil. Artıq hər kəs başa düşür ki, çoxlu pul qazanmaq üçün təhsil alıb özünü inkişaf etdirməyə ehtiyac yoxdur".

Qeyd edək ki, sosial şəbəkələrdə mədəniyyətimizə zidd davranışlar, dilimizə yadlaşmanın artması, həqiqətdən uzaq gənclərin yetişdirilməsi kimi bir çox neqativ hallatr qarşılaşırıq. Bu halların qarşısını almağın yeganə yolu təhsildir. Ölkəmizdə savadlı və maariflənmiş şəxsiyyətlər yetişdirməliyik ki, gələcəyimizi möhkəm təməllər üzərində qura bilək. Ölkəmizdə rəqəmsal texnologiyanın düzgün inişafı sağlam mühitin yaranmasına imkan verəcək.

Sevda Səfərova

Telegramda izləyin