Qızıl bazarında BAHALAŞMA: Qiymətlər nə vaxt UCUZLAŞACAQ? - AÇIQLAMA

Xəbər verdiyimiz kimi, qızıl bazarında vəziyyət ürək açan deyil. Əvvəlki aylar ilə müqayisədə qiymətlər bahalaşıb. Qiymət artımı alıcıların azalmasına səbəb olub. Bu baxımdan Mağazalarda məhsullar ilə maraqlananlar artıq olduqca azdır. Maraqlanan alıcılar isə qiymətlərdən gileylənirlər. Bəs qızılın artım səbəbi nə ilə bağlıdır? Qızıl bazarında ucuzlaşma nə vaxt baş verəcək?

Mövzu ilə bağlı iqtisadçı ekspert Rəşad Həsənov Sonxeber.az-a açıqlama verib:

"İstənilən halda dünya bazarında qızılın qiymətinin bahalaşmasının səbəbi potensial iqtisadi böhran riskləridir. Nəzərə almaq lazımdır ki, təxminən son 6 ayda qiymətlər 25 faiz, son 1 ayda isə qızılın qiyməti 12 faiz bahalaşıb. qızılın qiymətinin bu gün dəyişməsinin əsas səbəbi, iqtisadi risklərdir. 2024-cü il bir sıra aspektlərdən təhlükəli illərdən hesab olunur. Dünyanın 4 milyarddan çoxu seçkilərə gedir. Demokratiyanın seçkilərdən qalb çıxmaması ilə bağlı ciddi narahatlıqlar var. Bunun yaradacağı yenidən konservativ-iqtisadi siyasətlərə dönüş riskləri investorlar tərəfindən qiymətləndirilir. Eyni zamanda hazırda ayrı-ayrı konfliktlərin ikinci dünya müharibəsinə işarə etməsi və Çin-Tayvan münasibətlərindəki gərginləşmə ilə bağlı risklər gözdən keçirilir. Bütün bu hallarda öz-özlüyündə potensial böhran riskini formalaşdırır. Bu da öz növbəsində investorların daha təhlükəsiz alətlərə yönəlməsinə və qızıl alışın artmasına, qiymətlərin kəskin şəkildə bahalaşmasına səbəb olub. İnvestor davranışlarını biz bu gün oxumağa çalışsaq, demək olar ki, qlobal iqtisadi böhran riski hazırda gözləniləndir. Bu daha çox siyasi aspektlər ilə gündəmdədir. İqtsadi faktorlar burada əsas lokomotiv rolunu oynamır. Əgər siyasi uzlaşma təmin olunarsa iqtisadi böhrandan yayınma çox yüksəkdir".

Sevda Səfərova

Telegramda izləyin