Tavuşda aksiyalar DAVAM EDİR: Erməni terrorçuları Qarabağda təxribat törədə bilər? - ŞƏRH

Ermənistanın Tavuş vilayətinin aksiyalara qoşulan hərbi qulluqçular və sakinlər saxlanılaraq cinayət məsuliyyətinə cəlb olunublar. Tavuş bölgəsində etirazçılar Azərbaycan sərhədindən təqribən 10 kilometr aralıda nəqliyyat vasitələrini yol kənarında saxlayaraq, dolama dağ aşırımı boyunca çadırlar qurub, nəqliyyatın hərəkətinə mane olurlar. İki ölkə arasında davam edən delimitasiya və demarkasiya prosesləri əlbəttə ki, Ermənistanda fəaliyyət göstərən radikallarıda narahat edir.

Daha əvvəl bildirmişdik ki, sözügedən aksiyalara sakinləri təşviq edənlərin "Yerkrapan" terrorçu qruplaşması olduğu bildirilir. Bu baxımdan həmin aksiyaları fürsət olaraq istifadə edən bu qruplaşmalar Qarabağda təxribatlara cəhd göstərə bilər?

Mövzu ilə bağlı Sonxeber.az-a danışan politoloq Turan Rzayev deyib ki, Qarabağ məsələsi artıq bitib və buna dair hansısa versiyaların irəli sürülməsi reallığı əks etdirmir:

"Adıçəkilən terrorçu qüvvələrin aksiyalarda iştirak etməsi daha çox Tavuş bölgəsindədir. Bu 4 kəndin Azərbaycana qaytarılmasından sonra baş verən aksiyalarda iştirak edirlər. Bu aksiyalar həmin kəndlər ilə bağlıdır. Amma ümumilikdə məsələnin Qarabağa siraət etməsi inandırıcı deyil. Yəni Qarabağa faktiki olaraq işğaldan azad edilib. Burada Azərbaycanın hakimiyyəti bərqərar olub. Bu gün Qarabağda ermənilərdə düzgün yaşamır. Qalan 1-2 qocanı çıxmaq şərtilə əksəriyyət öz istəyilə Ermənistana və digər ərazilərə köçüb. Deyək ki, Yerkrapan terrorçu qüvvələri Qarabağa yönləndirsə belə onların elə bir qüvvəsi yoxdur. Adıçəkilən qruplaşma terrorçu belə deyil. Onlar bir neçə nizamsız kəndlidən ibarətdir. Onların gərək nə qədər sayı olsun ki, Qarabağa müdaxilə edə bilsin. Mümkün deyil. Dünən Ermənistan polisinin keçirdiyi əməliyyatlar nəticəsində 30-dan çox adam həbs edilib. Bunların bir qismi həmin ərazidədir. Belə bir nəticəyə gəlmək olar ki, proseslər müvəqqəti xarakterlidir. O qədər geniş bir əhatə dairəsi yoxdur. Qarabağ məsələsi bitib və Ermənistan Ordusu hərəkətə keçsə belə heç nə dəyişən deyil".

Telegramda izləyin

instagramda izləyin