Rəmiş kimdir? – Heç nəyin qədrini bilməyən çılğın sənətkar

Rəmiş kimdir? – Heç nəyin qədrini bilməyən çılğın sənətkarO, gitaranı Azərbaycana sevdirən adamdır. Bir az ağıllı, bir az dəli. "Rəmiş kimdi?" sualı veriləndə birmənalı cavab vermək çətindir.

Lent.az "Bioqrafiya" rubrikasında bu suala cavab axtarır. Xalq artisti, gitara ustası Rəmiş haqqında məlumatları təqdim edirik.

- Rəmişin əsl adı nədir?

Onun əsl adı Rafiq Hüseynovdur. Niyə Rəmiş adını daşıyır sualına isə bir müsahibəsində belə cavab verib:

"Onu, bunu bilmirəm. Bir onu bilirəm ki, nə qədər istəsəniz Rafiq var. Amma bircə Rəmişiniz var, özü öz qədrini bilmədi, barı siz bilin. Bir dəfə Hollandiyada yaşayan azərbaycanlılardan Ağdama gəlmişdilər ki, mənim haqqımda film çəksinlər. Bir az çəkildim, sonra dəliliyim tutdu, qaçdım onlardan. Amma bir sözləri mənə təsir etdi. Dedilər ki, qoruyun türk dünyasının tək Rəmişini. Nə var bir adamın nazıyla oynamağa. Bilirəm çətin adamam".

- Rəmiş harada və nə zaman anadan olub?

O, 1944-cü il noyabrın 14-də Ağdamın Gülablı kəndində doğulub.

- Rəmişin musiqi təhsili var?

Rəmiş ilk musiqi təhsilini Üzeyir Hacıbəyov adına orta ixtisas musiqi məktəbində tar sinfində alıb.

Rəmiş həm də tar, piano, qarmon, zərb, ud və s. Azərbaycan xalq çalğı alətlərində peşəkar şəkildə ifa edə bilirdi. Başqa musiqi təhsili almayıb. Bu barədə söz düşəndə maraqlı bir xatirə danışıb:

"Volqoqrad şəhərinə getmişdik. Musiqiçilərin yarım saatlıq pullarını verib xahiş etdik ki, gitaranı mənə versinlər bir neçə musiqi ifa edim. Bir neçə Azərbaycan və Avropa xalqlarının musiqisini ifa etdim. Bir nəfər bizim stola yaxınlaşıb harada təhsil aldığımı soruşdu. Dedim ki, qarabağlıyam. Başa düşmədi. Anlatdım ki, Bakı, Azərbaycan. Tərcüməçi başa saldı ki, bu İtaliyadan gəlmiş qonaqdır, sən gitarada çalarkən bu həyat yoldaşı ilə mübahisə edib. Həyat yoldaşı deyib ki, sən Neapol Musiqi Akademiyasının yetirməsisən. O hadisə heç vaxt yadımdan çıxmır. Sən deyən yüksək musiqi ixtisasım yoxdur".

- Rəmiş neçə dəfə ailə qurub?

Rəmiş üç dəfə ailə həyatı qurub. Sonuncu həyat yoldaşı Güllü Hüseynovadır.

- Rəmiş gitara çalmağa necə başlayıb?

Bu sualın cavabını da o maraqlı şəkildə verib:

"Tar çalmağa həvəsim olub. Lakin dolanmaq da lazımdır. Gördüm ki, bizi toya aparan musiqiçilər tara, qoşa nağara kimi yarım pay bölürlər. Mən də onların acığına pulu özüm bölmək üçün toylara gitaraçı kimi getdim. Lovğalıq olmasın, özümdən sonra bir məktəb yaratdım. Beləliklə, gitaraya elə bağlandım ki, qollarımı onsuz təsəvvür edə bilmirəm. Məndən sonra çoxları gitaraya meyl etdi, çala bildi, bilmədi, demirəm, amma heç kim Rəmiş olmadı və ola da bilməyəcək".

- Rəmişin ölümündən sonra onun gitarası kimə qalıb?

Bu suala da özü ninün dilindən cavab verək:

"Mənim indiyədək özümün heç gitaram da olmayıb. Onunkunu, bununkunu alıb toylara getmişəm. Pulum qurtaranda da dəyər-dəyməzinə satmışam gedib. Bir sözlə ürəyim necə istəyibsə, eləcə də yaşamışam. Bu olar, bu olmaz bilməmişəm".

- Rəmiş narkotik istifadəçisi olub?

Bəli. Ömrünün sonuna qədər narkotik maddə istifadəçisi olub və buna görə çox maddi itkilərlə üzləşib. "Mənim həyatımı o puç etdi. Ailə yox, ev yox, var-dövlət yox. Hamısına bais o zəhrimardır. Lakin bir onunla təsəlli tapıram ki, Rəmiş sənəti qalacaq bu dünyada" deyərmiş.

- Rəmişin dini inancı var idi?

Deyirmiş ki, kafir deyiləm, inanıram: "Lakin inanın ki, ən çox inandığım, barmaqlarımdır. Mənim inamım da, varım-yoxum da, Məkkə-Mədinəm də gitaramın simləridir".

- Rəmiş nə zaman fəxri ad alıb?

2008-ci ildə Əməkdar artist , 2014-cü ildə isə Xalq artisti fəxri adına layiq görülüb.

- Rəmiş hansı sənətkarları müşayiət edib?

Rəmiş məclislərdə Qədir Rüstəmovu, Rübabə Muradovanı, Yaqub Məmmədovu, Səxavət Məmmədovu gitarada müşayiət edib.

- Rəmiş nə zaman vəfat edib?

Rəmiş 5 aprel 2021-ci ildə müalicə aldığı xəstəxanada dünyasını dəyişib. Sənətkar "Qurd qapısı" qəbiristanlığında dəfn edilib.

- Rəmiş və xanəndə Qədir Rüstəmov bir-birlərindən küsülü olub?

Xeyr. Əksinə onlar dost olublar. Qədir Rüstəmovun sənət aləminə gəlməsinə Rəmiş səbəb olub.

O bu barədə bir müsahibəsində belə danışmışdı: "Qədirlə bir yerdə çox toylarda çalmışam. Kimi dindirirsən deyir ki, Qədirlə Rəmiş yola getmir. Niyə, nə şərikli malımız var ki, bölə bilməyək? Başına döndüyüm Azərbaycanın musiqi dəryasından bir parç o götürüb, birin də mən. Qədiri ilk dəfə rəhmətlik Əhsən Dadaşovun yanına mən aparmışam. Dedim, Əhsən müəllim, bu oğlanın səsini yoxla. Düzü əvvəl rəhmətlik inamsız yanaşdı Qədirə.

Qədir də tükü-tükdən seçən həssas adam. Üç dəfə ansambla ayaq verdi, Qədir oxumadı. Əhsən müəllim fasilə verib "Şur" üstə tarda özü üçün elə-belə gəzişdi. Birdən Qədir başladı, nə başladı. İçəri girdim ki, qəbri nurla dolmuş gözəl kişi, müqəddəs kişi dəsmalın gözünə sıxıb hönkür-hönkür ağlayır. Dedi, a bala, bu insan səsi deyil, ilahi bir şeydir".

- Rəmiş kasıb olub?

Yox. O sadəcə pulunun qədrini bilməyib. Bu barədə özü belə deyirdi: "Məni bir gündə min manat pul girləmir. Neyləyim, mən də belə bədbəxtəm. Pulsuzlayanda Ağdamdan oturmuşam maşına, getmişəm Bakıda böyük qardaşım Vaqifdən üç yüz manat pul alıb onun iki yüzün maşına vermişəm. Bir adama ağız açmamışam, hamı elə bilib ki, milyonlarım var. Nə özümün qədrini bilmişəm, nə də qazandığımın. Yekəlik olmasın, əlimə düşəni yığsaydım bir məmləkəti saxlayardım".


Sonxeber.az Telegramda izləyin instagramda izləyin
Şou-biznes   Baxılıb: 899   Tarix: 17 may 2024  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Aşıq Namiqin tiktokda sevib 8min verdiyi qız GÖRÜN KİM ÇIXDI - ÖZÜ DANIŞDI

Aşıq Namiq Fərhadoğlu TikTokda 8 min manat pulunu hədiyyə atmağa xərclədiyini etiraf edib. O, bu haqda saytının "Gəl danış" layihəsində danışıb. Sənətçi, sevdiyi xanımdan Tik-Tok-a görə ayrıldığını deyib:. "Bəzən "TikTok"da görürəm ki, çox qəşəng qızlar var. Mənim də bir vaxtla

16 iyun
.

Günay İbrahimlinin bacısı ADA-dan məzun oldu - VİDEO

Müğənni Günay İbrahimli sosial şəbəkədə bacısı İlahə ilə bağlı paylaşım edib. xəbər verir ki, sənətçinin bacısı ADA univsersitetindən məzun olub. İfaçı bacısı ilə məzun günündən video paylaşaraq onu təbrik edib. "Əziz bacım! ADA məzunu olursan. Oxuya oxuya gedirsən, bilmirəm bu təhsil yolunun axır

14 iyun
.

Tanınmış azərbaycanlı jurnalist komaya düşdü - VƏZİYYƏTİ AĞIRDIR - FOTO

Tanınmış jurnalist Sərxan Kamal komaya düşüb. -a istinadən xəbər verir ki, o, hazırda Xətai Tibb Mərkəzinə yerləşdirilib, komatoz vəziyyətdədir. Onun insult keçirdiyi bildirilib. Vəziyyəti ağırdır. Qeyd edək ki, Sərxan Kamal İTV-də redaktordur. O, daha əvvəl bir çox media qurumlarında çalışıb

16 iyun
.

Afaq Bəşirqızı səhhətindən DANIŞDI: "Artıq əsasız gəzirəm"

"Bütün xəstəliklərin ağrı-acılarına qalib gəlmək mümkündür. Amma bir insanın hərəkəti, yeriməyi, əli-ayağı məhdudlaşanda çox çətin olur. Bu, aktyor tayfası üçün isə böyük bəladır". Bizim.Media xəbər verir ki, bu sözləri Xalq artisti Afaq Bəşirqızı qonaq olduğu "Elgizlə izlə" verilişind

18 iyun
.

Aygün Kazımova BUNU İLK DƏFƏ AÇIQLADI

Xalq artisti Aygün Kazımova illər əvvəl dünyaca məşhur repçi Snup Doqla həyata keçirdiyi layihəsindən danışıb. Axşam.az xəbər verir ki, bu barədə sənətçi "Zaurla Günaydın" verilişində söhbət açıb. O, 2013-cü ildə reperlə ifa etdiyi "Coffee from Columbia" mahnısı ilə bağlı heç yerd

16 iyun
.

Çinarədən övladını itirməsi ilə bağlı ilk açıqlama!

Aparıcı Çinarə Əliyeva ilk dəfə övladını itirməsindən danışıb. OLAY yazır ki, bununla bağlı o, instaqramda açıqlama yayıb:. "Bu postum izləyicilərim üçündür. Artıq hadisədən xəbəriniz var. Çox çətin anlar yaşayıram. Bilirəm, bu da keçəcək. 28-ci həftədən biz bu xəbəri bilirdik. Amma şansımız va

13 iyun
.

Rihanna yeni albom çıxarır - Çox çətindir

Məşhur amerikalı müğənni Rihanna doqquzuncu albomunun yazılması zamanı çətinliklərlə üzləşdiyini deyib. xəbər verir ki, Rihanna studiyaya qayıtmağa və yeni güclə əvvəlki əsərlərinin heç birinə bənzəməyən yeni 9-cu albomunu yazmağa hazır olduğunu bildirib. Müğənni bu açıqlamanı iyunun 10-da yeni qurduğ

12 iyun
.

Aygün Kazımovanı gecə klubundan qaçırıblarmış

"Heç vaxt elçilikdə olmamışam. Heç bilmirəm elçilik necə baş verir. Ənənələrimiz çox gözəldir". "Qaynarinfo"nun məlumatına görə, bu sözləri Xalq artisti Aygün Kazımova qonaq olduğu verilişlərin birində deyib. O bildirib ki, ona heç zaman elçi gəlməyib. Müğənni illər əvvəl həyat yoldaş

15 iyun
.

Röya: "Oğlum mənə bu sözü deyəndə dəli oluram"

"Oğlum Hüseynin 15 yaşı olacaq. Şükürlər olsun ki, Hüseyn mənim sənətimi davam etdirmədi. O hansı qızı istəsə, onu da ona alacağam. Mən İtalyada yaşamaq istəyirəm. İllər ötəcək oğluma deyəcəyəm ki, "Duxun" çatırsa məni orada yaşat". Mən öz nəslimə və kökümə yaxşı qız olmuşam. Hüsey

16 iyun