Məktəblərdə fənlərin sayı azaldıla bilər? - AÇIQLAMA

Bu gün bir çox şagirdlər və valideynlər məktəbdə tədris olunanların fənlərin çətinliyindən şikayət edirlər. Məktəblərdə fənlərlə birlikdə, qiymətləndirmə və iş dəftərləri onsuzda aldırılır. Amma fənnin dərs vəsaitində əks olunan tapşırıqlar kifayət qədər şagirdləri yorur. Bununla yanaşı məktəblərdə tərdris olunan fənlərin sayı kifayət qədərdir. Bir çox ekspertlər həmin dərs vəsaitlərinin yüngülləşdirilməsi istiqamətində işlərin görülməsinin vacibliyini diqqətə çatdırırlar. Çıxış yolu kimi, tədris olunan fənlərin sayının azaldılmalı olduğunu və kitabların həcmində ixtisarlar edilməsi qeyd edilib. Bu baxımdan məktəbdə tədris olunan fənlərin sayı azaldıla bilər?

Mövzu ilə bağlı təhsil məsələləri üzrə ekspert Elşən Qafarov Sonxeber.az-a açıqlama verib:

"Hər bir fənlərin tədrisi ümumtəhsildə Nazirlər Kabinetinin 29 sentyabr 2020-ci il tarixli 361 saylı qərarı ilə təsdiq olunmuş təhsil standartlarına uyğun olaraq tədris olunur. Dövlət standartlarında açıq göstərilib ki, ibtidai və məktəbəhazırlıq mərhələsində, orta və tam orta təhsil müəssisələrində hansı fənlər tədris olunmalıdır. Həmin fənlər dövlət standartlarına uyğun olaraq tədris olunur. Bu dövlət standartları hazırlanarkən uşaqların yaş dövrləri, o cümlədən onların fizioloji və psixoloji vəziyyətləri tam nəzərə alınıb. Orada hansısa hansısa bir dəyişiklik yaxud fənnin ləğv edilməsi üçün dövlət standartlarının özündə dəyişiklik etmək lazımdır".

Qeyd edək ki, istər ali məktəblərə qəbul imtahanları ərəfəsində, istərsə də orta təhsil pilləsində dərsliklərin çətinliyi ilə bağlı geniş müzakirələr aparılır. Tədris olunan fənlərin sayının azaldılması isə öz aktuallığını qoruyan məsələlərdəndir.

Telegramda izləyin