3 uşağını zəhərləyən qadın analıq hüququndan MƏHRUM EDİLİR? - AÇIQLAMA

Xəbər verdiyimiz kimi, Sumqayıtda üçü uşaq olmaqla bir ailənin dörd üzvü zəhərlənib. Belə ki, 1988-ci il təvəllüdlü Sevgül Əllədin qızı İsgəndərova yaşadığı mənzildə dərman vasitəsilə üç uşağını zəhərləyib. Daha sonra o, özü də həmin həbləri qəbul edərək zəhərlənib. Zəhərlənən uşaqlar, 2017-ci il təvəllüdlü Y.N.Süleymanov, 2007-ci il təvəllüdlü N.N.Süleymanova və 2016-ci il təvəllüdlü N.N.Süleymanov, o cümlədən anası S.İsgəndərova Kliniki Tibbi Mərkəzin Toksikologiya Şöbəsinə yerləşdiriliblər.

Hazırda bu uşaqların ana da qalması təhlükə ola bilər. Gələcəkdə bu yaxud digər şəkildə baş verən hadisə uşaqların həyatına təhlükə yaratması ehtimalı var. Belə olan halda 3 övladını zəhərləyən qadın analıq hüququndan məhrum ediləcək?

Mövzu ilə bağlı vəkil Emil Aslanov Sonxeber.az-a açıqlama verib:

"Məsələ ilə əlaqədar ilk olaraq sözügedən qadının psixoloji vəziyyəti yoxlanılmalıdır. Ekpertizanın belə məqamlarda rəyi mütləqdir. Əgər tibbi ekpsetiza nəticəsində bəlli olarsa, ananın gələcəkdə bu yaxud digər şəkildə uşaqlara zərəri dəyəcəksə qanunvericiliklə müvafiq işlər görülür. Belə olan hallarda məhkəmənin qərarına əsasən uşaq anadan alınaraq ataya verilə bilər. Əgər ata da yoxdursa, uşaq anadan alınır ve uşaq evlərinə təhvil verilir".

Qeyd edək ki, təcili tibbi yardım vasitəsilə dörd nəfər (ikisi kişi, ikisi qadın cinsli olmaqla) zəhərlənmə şübhəsi ilə Sumqayıt Tibb Mərkəzinin nəzdində olan Uşaq Xəstəxanasına hospitalizasiya olunublar. Onlara ilkin tibbi yardım göstərilib. Göstərilən tibbi xidmətlərdən sonra vəziyyətləri qənaətbəxş olaraq qiymətləndirilib. Daha sonra valideynin yazılı iltizamnaməsi əsasında onların hər biri ambulator müalicə üçün evə buraxılıb.

Sevda Səfərova

Telegramda izləyin