Gürcüstanın baş naziri prezidenti vətənə xəyanətdə ittiham etdi

Gürcüstanın baş naziri İrakli Kobaxidze ölkə prezidenti Salome Zurabişvilini dövlətə xəyanətdə ittiham edib.

"Xalqın və onun seçdiyi hökumətin birliyi, təsirli addımları bizə ekzistensial təhdidlərə və müxtəlif xəyanətlərə, o cümlədən prezidentin xəyanətinə baxmayaraq, ölkədə sülhü qoruyub saxlamaq imkanı verib.

Müasir dünyada gedən proseslər bizə xüsusilə aydın şəkildə göstərdi ki, suverenlik ölkənin təhlükəsizliyinin ən səmərəli təminatıdır", - deyə Kobaxidze Müstəqillik Günü münasibətilə keçirilən tədbirdə çıxışı zamanı bildirib.

Baş nazirin vurğulayıb ki, hazırda Gürcüstan üçün öz dövlət müstəqilliyini qorumaq xüsusilə vacibdir.

"Bu gün biz həmişəkindən daha çox bir-birimizə qayğı göstərməli və nifrətə qalib gəlməliyik, çünki düşmənçiliyin məhv etdiyi bağları yalnız sevgi ilə bərpa edə bilərik", - Kobaxidze deyib.(oxu.az)

Telegramda izləyin