Bir rolla tarixdə qalan aktyor: "Şofer Əhməd" ölümündən əvvəl son şəkli kiminlə çəkdirib?

Bir rolla tarixdə qalan aktyor: "Şofer Əhməd" ölümündən əvvəl son şəkli kiminlə çəkdirib?Tale Elxanı çox ağır sınaqlara çəkdi... "İnsan çox şeyə dözə bilər" deyirlər, amma dözmək olmur. İmtahanlar çox ağır olur. Ünsiyyətcil, hamıya yanan, hər kəsə əl tutan nadir insanlardan idi Elxan Qasımov. Yaradan ona istedad, bacarıq, məhəbbət, ilham, şuxluq, enerji vermişdi. Sözün əsl mənasında hərtərəfli şəxsiyyət idi.

Sevməyi bacarırdı. Sevgi paylamağı bacarırdı.

Bir rolu ilə xalqın ürəyində həmişəlik yer tutmaq hər aktyora nəsib olmur. "Nəsimi", "Babək" kimi "Şofer Əhməd" də tarixdə qalmağı bacaran obrazlar sırasındadır.

Publika.az xəbər verir ki, bu fikirlər sevilən aktyor, istedadlı rejissor, Əməkdar artist Elxan Qasımovun Dövlət Film Fondunda keçirilən anım günündə səsləndirilib.

İnsanı yaşadan onun yaddaşıdır. Elxan Qasımov onu tanıyanıların yaddaşında gözəl qalmağı bacarıb. Buna yüksək insani keyfiyyətləri qədər istedadı, bacarığı da səbəb olub. Dostları üçün onu yad eləmək çətin idi, eyni zamanda həm də böyük fəxr idi.

Dövlət Film Fondunun direktoru, əməkdar incəsənət xadimi Cəmil Quliyev deyir ki, Elxan Qasımov Azərbaycan Film Kinostudiyasının sütünlarından biri idi. O, canlı tarixi idi kinostudiyanın.

"Bir il keçdi, iki il də keçəcək. Həyat öz axarında davam edir. Çox heyif ki, Elxan müəllim bu günləri görə bilmir. Çox tez ayrıldı aramızdan . Onun yoxluğunu biz həmişə hiss edəcəyik. Mənim üçün onun haqqında keçmişdə danışmaq, açığı çox çətindir. Bu illər ərzində biz dost olduq. Onun Azərbaycan kinosu ilə bağlı fikirləri həmişə mənim üçün önəmli olub".

Elxan Qasımovla 60 ildən çox dostluq edən Xalq artisti, rejissor Xamis Muradov yeri dolmayacaq bir dostunu itirdiyini, onun yoxluğuna hələ də alışmadığını deyir.

"Hər şeyin başlanğıcı və sonu olur. İnstitutda oxuyanda 5 nəfər dostluq yaratmışdıq. Bizə "beşlik" deyirdilər o vaxt İncəsənət İnstitutunda. Ən böyüyümüz Fikrət Əliyev idi, Fikrətdən bir-iki yaş balaca Tofiq Məmmədov idi. Tofiqdən də iki yaş balaca mən idim. Məndən də iki yaş balaca Elxan idi. Bizim aramızda yaşı bilinməyən bircə Xalq artisti Şeyx Əbdüldür (gülür). Elxanla 61 ildir ki, yol gedirdik. O dünyasını dəyişən vaxt biz onunla qonşu idik, eyni binada, bir blokda yaşayırdıq. Yaxşı insan idi, çox əvəzsiz ata idi. Kinostudiyanın bir xeyri-şəri Elxansız olmazdı. Özü də yüksək təşkilatçılıq qabiliyyəti var idi. Hər şeyi elə səliqə-səhmanla yerbəyer edirdi, məəttəl qalırdı adam. Biz beş dost həmişə aramızda danışanda deyirdik ki, Elxan, bizi sən basdırarsan. Həyatın işini bilmək olmur. Biz onu düz bir il əvvəl son mənzilinə yola sadıq. Qəribə həyatdır, nə deyəsən..."

Xalq artisti, rejissor Şeyx Əbdülü bir xeyli müşahidə elədim. Yaman fikirli idi. Yaxınlaşıb müsahibə almaq istədiyimi deyəndə dərindən bir ah çəkib" elə bilirsən asandır, qızım?" dedi. Çiynində o dünyaya getmək istədiyin adam səndən əvvəl ölür...

"Bizim Elxanla dostluğumuz tələbəlik illərindən başlayıb, 1962- ci ildən. Mənim üçün danışmaq çox ağırdır. Bir ildir ki, Elxanın yoxluğuna alışa bilmirəm. Bax bu əynimdəki kostyumu cüt almışdıq onunla.O rəhmətə gedəndən geyinmirdim bu kostyumu. Bu gün onun anım gününə geyinib gəldim. Adam var, evdən gedir, adam var, eldən gedir. Elxan həm evdən getdi, həm eldən getdi, həm də bizim içimizdən getdi. Özü də məni atıb, aldadıb getdi. Bax bu "beşlik" (Film Fondun Foyesində sərgilənən foto stenddəki şəkillərdən birini göstərir) artıq parçalanıb, ikisi bizi qoyub getdi. Üçümüz qalmışıq. Qəribədir ki, ən kiçiyimiz də Elxan idi. Əhdi-peyman etmişdik ki, bizim hamımızı o dəfn edəcək. Çünki o, bizi layəqətlə, şərəflə son mənzilə yola salacaqdı. O, təşkilatı məsələlərdə çox böyük ustad idi. Və birdən Elxanın belə qəfil getməsi... Ölümlə-qalım arasında Elxan Qasımov adında bir dostumuz var. Və bu dostluq əbədiyyətə köçürülən, həkk olunan bir dostluqdur. Əminəm ki, biz axirətdə də bir yerdə olacağıq".

Elxan Qasımovu ölümündən əvvəl ən son görən prodüser, jurnalist Vasif Ayan onu belə xatırlayır.

"Rasim Balayevə həsr edilən yaradıcılıq gecəsi keçirilirdi. Mən də dəvətli idim.. Bu mötəbər tədbiri Elxan Qasımov idarə edirdi. Həmin gün Elxan Qasımov çox hərəkətli, enerjili və qıvraq idi. Tədbir bitəndən sonra evə getmək üçün Elxan müəllimə taksi sifariş verdim. Yol boyu arxada əyləşən Elxan müəllimlə maraql söhbətlər edirdik. Kefi yaxşı idi. Hiss etdim ki, sürücüyə bizim söhbətlərimiz çox maraqlı gəlir. Dedim, "qardaş, Azərbacan filmlərini sevən adamsan?" Dedi hə, çox sevirəm və baxıram. Dedim ki, "Əhməd haradadır? filminə baxmısan?" Güldü, "əlbəttə o qədər" dedi. Dedim, " O filmdə şöfer Əhməd yadındadır?" Dedi, "hə". Dedim, "Bax arxada oturan Elxan müəllim həmin o şofer Əhməddir…" Sizi inandırım ki, oğlanın gözü işıqlandı və çaşqınlıqla həm güzgüdən, həm də çevrilərək Elxan Qasımovun üzünə baxdı. Gülümsədi, dedi: "Doğrudan odur?" Dedim, "Əlbəttə". Gəlib Elxan müəllimin mənzilinə çatdıq. Oğlan pul götürmək istəmirdi: "Qonağım olun. Heç zaman ağlıma gəlməzdi ki, şofer Əhməd mənim maşınıma minər, mənim müştərim olar". Hətta maşından düşdü, xahiş etdi ki, onun şəkilini "şofer Əhməd"lə çəkib. Elxan müəllim əlindəki gül dəstəsini dekor olaraq oğlana verdi. Onların şəkilini şəkdim. Xeyli minnətdarlıq etdi. Elxan Qasımov ikimizlə də sağollaşıb getdi. Və bu, son görüş oldu. Əslində maşının içində onunla söhbət edəndə dedim ki, "Elxan müəllim, bu həftə sizinlə iki görüşüm olacaq. Bir Ənvər Həsənovun kitabı üçün qısa müsahibə, bir də öz verlişimin üçün görüşümüz. Danışdıq?" Elxan Qasımov təbəssümlə gözlərimin içinə baxıb asta səslə dilləndi: "Sən elə yaxşı da planlamısan ki, bu həftə çəkirsən. Bəlkə mən heç sabaha sağ çıxmadım, artıq günü planlaşdırmısan. Nə bilirsən sabah necə olacam?" Dedi və gülümsədi. Çox qəribədir, sanki ölümünü hiss edibmiş.

Bir də qəribə paradoks o oldu ki, Elxan Qasımovu bütün ölkəyə tanıdan 18 yaşında çəkildiyi "sürücü Əhməd" obrazı idi və ölümündən öncə son dəfə şəkil çəkdirdiyi adam da sürücü oldu. Bu, həqiqətən də qəribə paradoksdur..."


Sonxeber.az
Telegramda izləyin
Maraqlı   Baxılıb: 1219   Tarix: 03 iyun 2024  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Bill Qeyts dünyanın ən böyük hotellərindən birini satın aldı

"Microsoft" şirkətinin təsisçisi və dünyanın ən varlı adamlarından biri Bill Qeyts Səudiyyə Ərəbistanı Şahzadəsi Talal bin Abdülaziz Əl-Səudun "Four Season" hotel şəbəkəsinin səhmlərinin yarısını satın alıb. Yayılan məlumatlara əsasən, Bill Qeytsin nəzarətində olan "Cascade Investment"

10 sentyabr 2021
.

Zooloqlar inəklərə görün nə öyrətdilər

Alimlər inək fermalarından çıxan tullantıların ətraf mühitə təsirini azaltmağın yolunu tapıblar. Məlum olduğu kimi inəklər hər gün çox miqdarda peyin və sidik xaric edir. Buna görə də fermerlər gündəlik olaraq böyük təsərrüfatlarda tullantıların sanitariya problemi yaratmaması üçün müəyyən çətinliklərl

15 sentyabr 2021
.

Seyrək saqqaldan bezən bəylər DÍQQƏT! BU ÜSULLA...

Məhsul haqqında. Saqqalınızı yumşaldır, dərini nizamlayır, nəm itkisini tarazlaşdırmaq üçün dərini dəstəkləyir və vitamin və minerallarla zəngindir. Qaşıntı, quru və iltihablanmış dərini rahatladır və sakitləşdirir. Şirin badam ağacının qurudulmuş toxumlarından əldə edilir. Bütün dəri tiplərində xüsusə

8 sentyabr 2021
.

Tez-tez selfi çəkmək ehtiyacı ruhi xəstəlikdir? - ARAŞDIRMA

Psixoloqlar tez-tez selfi (selfie) çəkib sosial mediada paylaşanların Selfitis xəstəliyinə tutulmaq ehtimalının ola bildiyini və psixoloji yardıma ehtiyac duyduqları barədə xəbərdarlıq edirlər. Bu barədə The Daily Telegraph qəzeti yazır. Qəzet yazır ki, Selfitis termini, çox selfi çəkənlər üçün ilk dəf

14 sentyabr 2021
.

Bu əlamətlər ölümün yaxınlaşdığından XƏBƏR VERİR

Amerikalı elm adamları ölümdən əvvəl bədəndə baş verən bir sıra fizioloji dəyişikliklərin olduğu qənaətinə gəliblər. -a istinadla xəbər verir ki, çılpaq gözlə görünməsələr də, bir insanın ölümündən çox əvvəl tanına bilərlər. Bu cür əlamətlər xüsusi bir araşdırmanın köməyi ilə müəyyən edilə bilər. Alimlə

16 sentyabr 2021
.

Məşhur şirkətlərdə məvaciblər nə qədərdir?

Bir çoxları "Google", "Facebook", "Amazon", "Uber", "Microsoft", "Intel", IBM kimi tanınmış ABŞ şirkətlərdə çalışmaq arzusundadır. Cari ilin ilk yarısında texnoloji nəhənglər 80 min nəfərdən çox əcnəbi əməkdaşı işə cəlb edib. -a istinadən xəbə

16 sentyabr 2021
.

Səmada müşahidə olunan anomal buludlar hər kəsi heyran qoydu - FOTO

İslandiyalı fotoqraf və səyyah Hördur Kristlayfsen səmada şahidi olduğu qeyri-adi fenomenin görüntüləri ilə sosial şəbəkə istifadəçilərini təəccübləndirib. -a istinadən xəbər verir ki, qeyd olunur ki, belə bir təbii fenomen çox nadir hallarda və yalnız Arktika bölgəsində qışda və gün batanda müşahid

16 sentyabr 2021
.

Hollivud ulduzuna görə onlarla mal-qara huşunu itirdi - FOTO/VİDEO

Mission: Impossible" filminin yeddinci hissəsinin çəkilişi zamanı qeyri-adi hadisə baş verib. "The Sun"a istinadən xəbər verir ki, amerikalı aktyor Tom Kruzun təhlükəsizliyini təmin etmək üçün atılan addım ətrafda olan mal-qaranın huşunun itməsi ilə nəticələnib. Məlumata görə, çəkilişlə

11 sentyabr 2021
.

Bio Balance Age Reversing Instant Wrinkle Filler

Məhsul haqqında. Bio Balance gəncləşdirici və anında qırışıq doldurucu krem. Faydaları:. Üz xətlərini və qırışıqlarını dərhal doldurur və hamarlayır. Cilddəki xətlərivə qırışıqlıqları dərhal minimizə edir. Cildə möhkəm və dolğun görüntü bəxş edir. Cilddəki qocalma əlamətlərini azaldır. İstifadə qaydaları:

10 sentyabr 2021