Təcili tibbi yardım təcili olmayanda...

Təcili tibbi yardım təcili olmayanda...Təcili tibbi yardımdakı problemlərlə bağlı məsələ aktual olaraq qalır. TƏBİB isə bildirir ki, təcili və təxirəsalınmaz tibbi yardım stansiyalarının yerləşməsinə yenidən baxılır və əlavə məntəqələrin təşkil olunması nəzərdən keçirilir.

Ölkənin müxtəlif bölgələrində, xüsusən də Bakıda təcili tibbi yardım maşınlarının azlığı müzakirə mövzusu olaraq qalmaqdadır. Milli Məclisin İnsan hüquqları komitəsinin sədri Zahid Oruc da bu problemə toxunub və qeyd edib ki, Bakıda 18 min nəfərə bir ambulans düşür, onlar da yollardakı tıxaclardan hərəkət edə bilmir. Millət vəkili qeyd edib ki, Bakıda cəmi 139 təcili tibbi yardım maşını fəaliyyət göstərir. Bu da çox azdır. Bəs bu problemin həlli istiqamətində planlar varmı?

Mövzuyla bağlı "Kaspi" qəzetinin məqaləsini təqdim edirik:

Təcili yardım stansiyaları yenidən təşkil olunur?

TƏBİB-dən bildirilib ki, hazırda təcili və təxirəsalınmaz tibbi yardım stansiyaları yenidən təşkil olunur. Birliyin Müşahidə Şurasının qərarına əsasən, Bakı Şəhər Təcili və Təxirəsalınmaz Tibbi Yardım Stansiyası, "113" Təcili və Təxirəsalınmaz Tibbi Yardım Stansiyası, Təcili və Təxirəsalınmaz Tibbi Yardım Stansiyasının Avtobazasının fəaliyyəti optimallaşdırılaraq bir mərkəzdə - "Respublika Təcili və Təxirəsalınmaz Tibbi Yardım Mərkəzi" publik hüquqi şəxsin qismində birləşdirilib. Hazırda əvvəllər qeyd olunan müəssisələr üzrə çalışan kadrların yeni mərkəzin strukturuna uyğun şəkildə yerləşdirilməsi prosesi təmin edilir.

Gündəlik neçə ambulans xəttə buraxılır?

TƏBİB-in məlumatına əsasən, mütəmadi olaraq ambulans parkı genişləndirilir və briqadaların sayı artırılır. Bütün ölkədə icbari tibbi sığortanın tətbiqindən sonra ümumilikdə 349 təcili tibbi yardım avtomobili alınaraq ehtiyaca uyğun olaraq periferiya üzrə paylanılması təmin edilir. Bakı şəhəri üzrə gündəlik olaraq 120-130-a yaxın ambulans xəttə buraxılır. Əlamətdar günlərdə, beynəlxalq və yerli genişmiqyaslı tədbirlər zamanı bu say 150-dək artırılır.

Sistem yüklənmiş formada çalışır

Milli Məclisin Səhiyyə komitəsinin üzvü, deputat Müşfiq Məmmədli problemin əsas səbəblərindən birini Bakıda, ümumiyyətlə Abşeron yarımadasında əhalinin sayının artım tempinin yüksək olması ilə əlaqələndirir: "Təcili tibbi yardım sistemi həm çağırışların sayı, həm də iş həcminə görə kifayət qədər yüklənmiş formada çalışır. Pandemiya və ondan sonrakı dövrdə yeni ambulansların alınması həyata keçirilib və bu sayın artırılması gündəmdədir. "Respublika Təcili və Təxirəsalınmaz Tibbi Yardım Mərkəzi" də prosesin təşkili üçün yaradıldı. Bu, həm sistemin bir mərkəzdən idarə edilməsinə, həm də xidmətin daha yüksək səviyyədə təşkil olunmasına gətirib çıxaracaq".

Millət vəkili düşünür ki, yaxın zamanlarda xidmətin keyfiyyətinin daha da yüksəlməsinin şahidi olacağıq: "Sistem nəqliyyat vasitələrindən səmərəli istifadəni də yaxşılaşdıracaq. Nə qədər yük götürməlidir? Hansı bölgədə daha çox ehtiyac var? Bunun statistikası aparılacaq və işi düzgün planlamaq mümkün olacaq. Həmçinin, kadr potensialı baxımından da idarəetmənin yeni bir mərkəzdən idarə olunması effektiv nəticələrə gətirib çıxaracaq".

"İnsanlar ilkin və təcili tibbi yardımın fərqini bilmir"

Sosial məsələlər üzrə ekspert İlqar Hüseynli deyir ki, problemin əsas səbəbi odur ki, vətəndaşlar ilkin tibbi yardımla təcili tibbi yardım arasındakı fərqi bilmirlər: "Bəzən elə simptomatik durumlar yaranır ki, orada təcili tibbi yardım briqadasını çağırmağa ehtiyac yoxdur. Xəstənin vəziyyətini stabilləşdirib, xəstəxanaya aparmaq olar. Əfsuslar olsun ki, məhz bu səbəblərdən çağırışların sayı kifayət qədər çox olur. Həqiqətən də, belə hallarda ehtiyacı olana bəzən çatmaq olmur. İcbari tibbi sığorta sistemi tətbiq olunduqdan sonra bu proses daha da dərinləşib. Buna görə də ciddi ambulans çatışmazlığı problemi yaşayırıq. Əslində, təcili tibbi yardım sistemi mərkəzləşdirildikdən sonra ölkəyə əlavə 100 ədəd xüsusi təchiz olunmuş ambulans gətirildi. Təəssüflər olsun ki, bu 100 ambulans da azdır".

"Gün ərzində 15 faiz əsassız çağırış qeydə alınır"

Ehtiyac olmadan çağırışların çoxluğunu TƏBİB də təsdiqləyir: "Gün ərzində icra olunan çağırışların sayı 2000-2500 civarındadır. Onların təxminən 10-15 faizi əsassız çağırışlardır. Son zamanlar nəticəsiz çağırışların çoxluğu lap çox müşahidə edilir. Yeni yaşayış məntəqələrinin salınması, ünvansız yaşayış məskənlərinin olması, nəqliyyat vasitələrinin sıxlığı ilə müşahidə olunan tıxaclar, yol hərəkəti iştirakçılarının ambulanslara yol verməməsi, çağırışların həddindən çox olması ilə müşahidə edilən hallarda da gecikmələrin olması qaçılmazdır".

Köhnə avtomobillər, lazımsız çağırışlar, tıxaclar...

İ.Hüseynli deyir ki, ambulansların sayını artırmaqla yanaşı, xarici təcrübədən istifadə etmək, mütəxəssisləri kurslara göndərmək vacibdir: "Məsələn, Türkiyə təcrübəsində "Acil xidmət" çox yaxşı təşkil olunub. Bu sahədə ikinci problem isə Bakının meqapolisə çevrilməsi, küçələrdə nəqliyyat sıxlığının çoxalmasıdır. Tıxaclarda ambulansların gecikməsi səbəbindən kifayət qədər xəstənin həyatı risk altında olur. Ümumiləşdirsək, Azərbaycanda təcili tibbi yardım xidmətinin yetərsizliyinin və əlçatmazlığının səbəbi bu istiqamətdə kadr potensialının zəifliyi, xüsusi təchiz olunmuş nəqliyyat vasitələrinin az olması, xüsusilə də regionlarda, ümumiyyətlə, köhnə avtomobillərdən istifadə olunması, ehtiyac olmayan çağırışların çoxluğu və tıxaclardır".

Can qurtaran zolaqlar

Tıxac problemi ilə bağlı yol infrastrukturu üzrə mütəxəssis Yasin Mustafayev deyir ki, hazırda ictimai nəqliyyat üçün çəkilən zolaqlar bu baxımdan işimizə yarayır: "Yəni bu zolaqlar ictimai nəqliyyat üçün nə qədər vacibdirsə, bir o qədər də operativ nəqliyyat vasitələri üçün əhəmiyyətlidir. Ona görə də biz hər zaman vurğulayırıq ki, bu zolaqlar kəsilməməli, davamlı olmalı, şəhərin hər bir yerində təşkil edilməlidir".


Sonxeber.az
Telegramda izləyin
Maraqlı   Baxılıb: 991   Tarix: 08 iyun 2024  

Şikayətiniz varsa Whatsapp: 077 7125666

Facebookda Paylaş


Tezbazar.az elanlar sayti

Oxşar xəbərlər

.

Bill Qeyts dünyanın ən böyük hotellərindən birini satın aldı

"Microsoft" şirkətinin təsisçisi və dünyanın ən varlı adamlarından biri Bill Qeyts Səudiyyə Ərəbistanı Şahzadəsi Talal bin Abdülaziz Əl-Səudun "Four Season" hotel şəbəkəsinin səhmlərinin yarısını satın alıb. Yayılan məlumatlara əsasən, Bill Qeytsin nəzarətində olan "Cascade Investment"

10 sentyabr 2021
.

Zooloqlar inəklərə görün nə öyrətdilər

Alimlər inək fermalarından çıxan tullantıların ətraf mühitə təsirini azaltmağın yolunu tapıblar. Məlum olduğu kimi inəklər hər gün çox miqdarda peyin və sidik xaric edir. Buna görə də fermerlər gündəlik olaraq böyük təsərrüfatlarda tullantıların sanitariya problemi yaratmaması üçün müəyyən çətinliklərl

15 sentyabr 2021
.

Seyrək saqqaldan bezən bəylər DÍQQƏT! BU ÜSULLA...

Məhsul haqqında. Saqqalınızı yumşaldır, dərini nizamlayır, nəm itkisini tarazlaşdırmaq üçün dərini dəstəkləyir və vitamin və minerallarla zəngindir. Qaşıntı, quru və iltihablanmış dərini rahatladır və sakitləşdirir. Şirin badam ağacının qurudulmuş toxumlarından əldə edilir. Bütün dəri tiplərində xüsusə

8 sentyabr 2021
.

Tez-tez selfi çəkmək ehtiyacı ruhi xəstəlikdir? - ARAŞDIRMA

Psixoloqlar tez-tez selfi (selfie) çəkib sosial mediada paylaşanların Selfitis xəstəliyinə tutulmaq ehtimalının ola bildiyini və psixoloji yardıma ehtiyac duyduqları barədə xəbərdarlıq edirlər. Bu barədə The Daily Telegraph qəzeti yazır. Qəzet yazır ki, Selfitis termini, çox selfi çəkənlər üçün ilk dəf

14 sentyabr 2021
.

Bu əlamətlər ölümün yaxınlaşdığından XƏBƏR VERİR

Amerikalı elm adamları ölümdən əvvəl bədəndə baş verən bir sıra fizioloji dəyişikliklərin olduğu qənaətinə gəliblər. -a istinadla xəbər verir ki, çılpaq gözlə görünməsələr də, bir insanın ölümündən çox əvvəl tanına bilərlər. Bu cür əlamətlər xüsusi bir araşdırmanın köməyi ilə müəyyən edilə bilər. Alimlə

16 sentyabr 2021
.

Məşhur şirkətlərdə məvaciblər nə qədərdir?

Bir çoxları "Google", "Facebook", "Amazon", "Uber", "Microsoft", "Intel", IBM kimi tanınmış ABŞ şirkətlərdə çalışmaq arzusundadır. Cari ilin ilk yarısında texnoloji nəhənglər 80 min nəfərdən çox əcnəbi əməkdaşı işə cəlb edib. -a istinadən xəbə

16 sentyabr 2021
.

Səmada müşahidə olunan anomal buludlar hər kəsi heyran qoydu - FOTO

İslandiyalı fotoqraf və səyyah Hördur Kristlayfsen səmada şahidi olduğu qeyri-adi fenomenin görüntüləri ilə sosial şəbəkə istifadəçilərini təəccübləndirib. -a istinadən xəbər verir ki, qeyd olunur ki, belə bir təbii fenomen çox nadir hallarda və yalnız Arktika bölgəsində qışda və gün batanda müşahid

16 sentyabr 2021
.

Hollivud ulduzuna görə onlarla mal-qara huşunu itirdi - FOTO/VİDEO

Mission: Impossible" filminin yeddinci hissəsinin çəkilişi zamanı qeyri-adi hadisə baş verib. "The Sun"a istinadən xəbər verir ki, amerikalı aktyor Tom Kruzun təhlükəsizliyini təmin etmək üçün atılan addım ətrafda olan mal-qaranın huşunun itməsi ilə nəticələnib. Məlumata görə, çəkilişlə

11 sentyabr 2021
.

Bio Balance Age Reversing Instant Wrinkle Filler

Məhsul haqqında. Bio Balance gəncləşdirici və anında qırışıq doldurucu krem. Faydaları:. Üz xətlərini və qırışıqlarını dərhal doldurur və hamarlayır. Cilddəki xətlərivə qırışıqlıqları dərhal minimizə edir. Cildə möhkəm və dolğun görüntü bəxş edir. Cilddəki qocalma əlamətlərini azaldır. İstifadə qaydaları:

10 sentyabr 2021