Azərbaycanda həyətdən cadu tapıldı: "2 qadın basdırıb qaçdılar..." - FOTO

Abşeron rayonu, Məmmədi qəsəbəsində evin həyətinə basdırılan cadu tapılıb.

Ölkə.Az xəbər verir ki, bu barədə jurnalist Famil Fərhadoğlu paylaşım edib. O bildirib ki, hadisə ötən gün baş verib:

"Bu gün axşam saat 21-22 radələrində Məmmədi qəsəbəsində 2 qadın bir yaxınımın həyətinin yaxınlığına nəsə basdırırmışlar. Qonşulardan birini görən kimi üzlərini bağlayıb qaçıblar. Sonradan həmin yeri qazanda 2 şəkil çıxıb".

Jurnalist tapılan fotolardan birinin tanınmaz halda olduğunu desə də, digərini paylaşıb.
O, fotosu tapılan qadının və ailəsinin məsələdən xəbərdar olması üçün sosial şəbəkələrdə paylaşdığını bildirib.

Sözügedən paylaşıma məşhur aparıcı Xoşqədəm Baxşəliyeva da şərh yazıb. Jurnalist ona həmin məsələni verilişində işıqlandırmağı təklif etsə də, aparıcı "belə şeylərə inanma" cavabını verib.

F.Fərhadoğlu caduya inanmadığını, sadəcə insanlıq naminə ailəni xəbərdar etmək istədiyini söyləyib.

Telegramda izləyin