"Bakı üçün nəzərdə tutulmuş limit 25 min taksidir, amma hazırda sayı 40 mindən çoxdur" - AÇIQLAMA

Son illər onlayn taksi və çatdırılma platformalarından istifadə artsa da, istifadəçilərin ən çox qarşılaşdığı problemlərdən biri sürücülərin sifarişləri səbəbsiz şəkildə ləğv etməsidir. Bu hal həm vaxt itkisinə, həm də xidmətə olan etimadın azalmasına səbəb olur. Sürücülər sifarişi niyə qəbul edib daha sonra ləğv edir? Bu problemin kökündə sistem boşluqları, yol infrastrukturu, yoxsa iqtisadi amillər dayanır?

Mövzu ilə bağlı Sonxeber.az-a nəqliyyat eksperti Elməddin Muradlı danışıb.

O, açıqlamasında qeyd edib ki, belə hallarla üzləşdikdə 141 qaynar xəttinə və ya taksi operatorlarına məlumat verilsin:

"Sistemdə hər hansı boşluq yoxdur. Problem, bəzi taksi sürücülərinin məsələyə fərdi yanaşması və özbaşına qərar verməsidir. Onlar elə bilirlər ki, hər şey belə də olmalıdır, amma bu, onların şəxsi qərarı deyil. Taksilər dolayı yolla ictimai nəqliyyatın bir növüdür və dövlətin burada tənzimləyici funksiyası va

Dövlət bu funksiyanı həyata keçirmək üçün qaydalar müəyyən edib və taksi sürücüləri onlara əməl etmək məcburiyyətindədir. Qaydaları pozduqda isə barələrində müvafiq tədbirlər görülür.

Sürücülərin sifarişi qəbul edib sonra imtina etmələrinin əsas səbəbi nağdsız ödənişlərə maraqdır. Onlar hesab edirlər ki, nağdsız ödəniş daha əlverişlidir və buna görə belə hərəkətlərə yol verirlər.

Bütün taksi şirkətləri və yerüstü nəqliyyat agentliyi vətəndaşlara dəfələrlə müraciət edərək bildiriblər ki, belə hallarla üzləşdikdə 141 qaynar xəttinə və ya taksi operatorlarına məlumat verilsin. Bu halda sürücü barəsində tədbir görülür, adətən bloklanma tətbiq edilir.

Hazırda Azərbaycanda, xüsusən də Bakıda taksi islahatları çərçivəsində sayı tənzimlənir. Bakı üçün nəzərdə tutulmuş limit 25 min taksidir, amma hazırda sayı 40 mindən çoxdur. Ona görə də şikayət olan hallarda dərhal sürücülər bloklanır.

Vətəndaşlar fəal olmalı və şikayət edərək öz etirazlarını bildirməlidirlər. Davamlı şikayətlər sürücülərin məsuliyyətini daha yaxşı dərk etməsinə səbəb olacaq".

Telegramda izləyin