3 uşaq anası sevgilisi tərəfindən öldürüldü

Dünən Kocaelinin Körfez rayonunda infarkt keçirdiyi bildirilərək xəstəxanaya gətirilən Nuhbe Yılmaz (36) həkimlərin müdaxiləsinə baxmayaraq dünyasını dəyişib.

Ölüm şübhəli sayıldığı üçün qadının cəsədi ekspertizaya göndərilib. Ekspertiza zamanı qadının boğularaq öldürüldüyü məlum olub.

Bunun üzərinə saxlanılan sevgilisi polis idarəsində dindirilərkən qətli etiraf edib.

Sonxeber.az türk mediasına istinadən xəbər verir ki, həkimlər qadının ölümünü şübhəli hesab etdikləri üçün Nuhbe Yılmazın cəsədi ekspertizaya aparılıb. Araşdırmada qadının ürək tutmasından deyil, boğazının sıxılması nəticəsində boğularaq öldüyü müəyyən edilib.

Vəziyyətdən xəbər tutan polis hərəkətə keçərək qadının sevgilisi C.Y.E. -ni saxlayıb. Polis bölməsində ifadə verən zamanı C.Y.E Nuhbe Yılmazla mübahisə etdiyini və onu boğduğunu etiraf edib.

C.Y.E. məhkəmə tərəfindən tutularaq həbsxanaya göndərilib.

3 uşaq anası olan Nuhbe Yılmazın cənazəsi bu gün Körfez İlimtəpə qəbiristanlığında torpağa tapşırılıb.

Telegramda izləyin