42 qadını öldürən qatil həbsdən qaçdı

Keniyada həyat yoldaşı da daxil olmaqla 42 qadını qətlə yetirdiyini etiraf edən Collins Jumaisi polis nəzarətindən qaçıb.

Sonxeber.az xarici mediaya istinadən xəbər verir ki, Keniyanın paytaxtı Nayrobidə bir neçə qadını öldürməkdə və cəsədlərini köhnə karxanaya atmaqda ittiham olunan şəxs polis nəzarətindən qaçıb.

Polis rəsmiləri bildiriblər ki, Collins Jumaisi keçən ay Kware karxanasında plastik torbalara bükülmüş ən azı altı cəsədin tapılmasından sonra həbs edilib.

Çərşənbə axşamı günü Cumaisinin 12 Eritreya vətəndaşı ilə birlikdə Gigiri polis bölməsindən qaçdığı bildirilir. Polis Resila Onyanqo, qaçışdan sonra genişmiqyaslı axtarışlara başlanıldığını bildirib.

Jumaysinin həyat yoldaşı da daxil olmaqla 42 qadını öldürdüyünü etiraf etdiyi iddia edilir. Lakin Jumayinin vəkili müdafiə etdiyi şəxsin etirafının işgəncə altında verildiyini bildirib. Prokurorlar bu iddiaları rədd edərək, Cumaisinin lazımi qaydada dindirildiyini və işgəncəyə məruz qalmadığını bildiriblər.

Qaçışdan sonra polis Cumaisi və digər qaçanları tutmaq üçün bütün imkanlarını səfərbər edib.

Polis əməkdaşları qaçanların tutulması üçün beynəlxalq əməkdaşlıq və əlavə təhlükəsizlik tədbirlərinin görüldüyünü bəyan ediblər.

İstintaq Cumaysinin əvvəllər törətdiyi cinayətlər və cəsədlərin harada olması ilə bağlı daha çox məlumat əldə etməyə davam edir. İctimaiyyətin böyük narahatlığına səbəb olan bu qaçışdan sonra Keniyada polis və təhlükəsizlik qüvvələri tərəfindən görülən tədbirlər gücləndirilib.

Telegramda izləyin