Polisin gözü önündə mübahisə etdiyi şəxsi güllələdi

Balıkesirin Burhaniye rayonunda taksi sürücüsü Berk D. mübahisə etdiyi kokoreç satıcısı Volkan Uluerin iş yerinə girərək onu silahla yaralayıb. Hadisə təhlükəsizlik kameralarına düşüb.

Sonxeber.az türk mediasına istinadən xəbər verir ki, hadisə avqustun 17-də saat 02.30 radələrində Burhaniye rayonunun turistik Ören səmtində baş verib. Ətrafdakı mağaza sahibləri mübahisə etdikləri Əli B-ni döyüblər. Taksi sürücüsü Berk D. (30) Əli B.-nin kütləvi şəkildə döyülməsinə mane olmaq istədiyi üçün kokoreç satıcısı Volkan Uluerlə arasında mübahisə yaranıb. Mübahisədən sonra hadisə yerini tərk edən Berk D bir müddət sonra əlində silahla geri qayıdaraq Uluerin iş yerinə basqın edib. İçəridə Berk D. Uluerə atəş açıb.

Silah səslərini eşidən yaxınlıqdakı yol polisi və mühafizəçilər hadisə yerinə gəliblər. Lakin Berk D.-ni sakitləşdirmək mümkün olmayıb. Uluerlə Berk D arasında dava olub. Berk D. yenidən silahını çıxararaq Uluerə 3 güllə vurub.

Ətrafdakıların məlumatı üzərinə təcili tibbi yardımla xəstəxanaya aparılan Volkan Uluer müalicəyə başlayıb. Onun həyatı üçün təhlükə olmadığı bildirilib.

Berk D. və Əli B. polis tərəfindən saxlanılıb. Polisdəki ifadələrinin ardından ədliyyəyə sövq edilən iki şübhəli məhkəmə tərəfindən həbs olunub.

Telegramda izləyin