ŞOK İDDİA: Durov Makronla nahar etmək istəyinin TORUNA DÜŞÜB

Fransada saxlanılan "Telegram" messencerinin qurucusu Pavel Durov polisə deyib ki, o, prezident Emmanuel Makronla nahar etməlidir.

Publika.az xəbər verir ki, bu barədə "Le Canard enchaîné" satirik qəzeti (fransızcadan "Zəncirlənmiş ördək" kimi tərcümə olunur) "X" sosial şəbəkəsində yazır.

"Telegram"ın rəhbəri Pavel Durov təyyarədən enərkən onu saxlayan polisə Makronla nahar edəcəyini deyib", - nəşr yazır.

Ehtimal olunur ki, Durov nahar masası arxasında Makronla görüşmək və anlaşmaq üçün Parislə danışıqlar aparıb. Məhz bundan sonra Fransaya uçmaq qərarına gəlib. Amma Paris bu fürsətdən onu tora salmaq üçün məharətlə istifadə edib.

Eyni zamanda, bu məlumatı Yelisey Sarayı təkzib edərək, həmin axşam dövlət başçısının Le Tukedə olduğunu qeyd edib.

Durov avqustun 24-də axşam Fransanın "Le Burje" hava limanında şəxsi təyyarədən enərkən saxlanılıb. Sahibkar Parisə Azərbaycandan gəlib.

Fransa polisi Reuters agentliyinə bildirib ki, iş adamı Telegram-da kiber və maliyyə cinayətləri məsələlərində əməkdaşlıqdan imtina etməkdə ittiham olunur. Onlar əlavə ediblər ki, Durov milli kibercinayətkarlıq və fırıldaqçılıqla mübarizə idarələri tərəfindən araşdırılır.

Prokurorluq aydınlaşdırıb ki, Durov 12 cinayətdə ittiham olunan "adı açıqlanmayan şəxs"lə bağlı aparılan istintaq çərçivəsində dindirilir. İş iyulun 8-də açılıb.

Əvvəllər məlum olub ki, fırıldaqçılar Durovun həbsindən öz məqsədləri üçün istifadə etməyə başlayıblar.

Telegramda izləyin