Dostlar arasında mübahisə qanla bitdi

Bayrampaşada iş yerinin qarşısında oturan bir qrup şəxs öz aralarında mübahisə edib. Mübahisə zamanı iki nəfər əllərində olan silahla sağa-sola atəş açmağa başlayıb.

Sonxeber.az türk mediasına istinadən xəbər verir ki, hadisə saat 19:00 -da Yıldırım rayonu, Millət küçəsində baş verib. İddiaya görə, iş yerinin qarşısında oturub söhbət edən bir qrup şəxs arasında naməlum səbəbdən mübahisə yaranıb. Qrupdakı iki nəfər əllərində olan silahla ətrafa atəş açmağa başlayıblar.

Güllə yarasından Ali Şen və A.Ç. yaralanıblar. Şübhəlilər hadisə yerindən qaçıb. Məlumat verildikdən sonra hadisə yerinə polis və təcili tibbi yardım göndərilib. Təcili tibbi yardım əməkdaşları yaralılara ilkin tibbi yardım göstərib və onlar təcili tibbi yardımla xəstəxanaya aparılıb. Xəstəxanada edilən bütün müdaxilələrə baxmayaraq Ali Şen həyatını itirib. A.Ç -nin vəziyyəti ağırdır.

Polis qaçan şübhəliləri tutmaq üçün əməliyyata başlayıb.

Telegramda izləyin