Maşınına mindiyi müəllimi öldürdü

Fındıq bağında ölü tapılan müəllim Yasin Kayranın avtomobilinə mindirdiyi Ahmet Elçi tərəfindən öldürüldüyü məlum olub.

Sonxeber.az türk mediasına istinadən xəbər verir ki, hadisə bazar günü günorta saatlarında Hacılar rayonundakı fındıq bağında baş verib. Bağda hərəkətsiz yatan şəxsi tapan vətəndaşlar onun bədənində qan görərək vəziyyəti 112 Təcili Tibbi Yardım Mərkəzinə bildiriblər.

Məlumat üzərinə hadisə yerinə polis və təcili tibbi yardım sövq edilib. Gələn təcili tibbi yardım əməkdaşları ilkin müayinə zamanı Yasin Kayranın həyatını itirdiyini müəyyən ediblər. Yeni nişanlandığı öyrənilən Yasin Kayranın meyiti tibbi ekspertizada incələndikdən sonra yaxınlarına təhvil verilərək torpağa tapşırılıb.

Araşdırma zamanı Yasin Kayranın avtomobilinə mindirdiyi Ahmet Elçinin ifadəsi alınıb. Polisə ifadəsində Şanlıurfadan Bozovaya gedən yolda Yasin Kayranın onu avtomobilinə mindirdiyini bildirib. Daha sonra Elçi qətli etiraf edib, lakin sərxoş olduğu üçün törətdiyi qətlin təfərrüatlarını xatırlamadığını iddia edib. Narkotik aludəçisi olduğu bildirilən Ahmet Elçi polisdəki ifadəsindən sonra sövq edildiyi məhkəmənin qərarı ilə həbs edilib.

Telegramda izləyin