Toydan əvvəl gəlinin istəklərini eşidən bəy evlənməkdən imtina etdi

Kayseridə fermerlik edən F.D tanış olduğu N.S.Ç ilə evlənmək istəyib. O sevdiyi qıza romantik evlənmə təklifi etmək üçün əlindən gələni edib.

Sonxeber.az türk mediasına istinadən xəbər verir ki, F.D təşkilatçılıq üçün 68 min lirə xərcləyib. Evlilik təklifini məşəl və ürək adalarının əhatəsində alan N.S.Ç. təəccübləndiyini və təklifi qəbul etdiyini bildirib.

Elçilik prosesindən əvvəl özünü təvazökar aparan gəlin, nişandan bir gün əvvəl anası və bacısını da özü ilə apararaq bəy namizədi F.D.-ni kafeyə görüşə dəvət edib. Gəlin toyla bağlı arzularını bir-bir sadalayıb; "Mən qəhvə fincanında təzə avtomobil açarı istəyirəm. Nişandan əvvəl 200 min lirəlik daha bir üzük də istəyirəm"

Onun istəkləri bununla bitməyib. F.D:

"Toya qədər məndən ona 3 otaqlı ev almağımı istədilər. 30 ədəd qızıl qolbaq şərtini qoydular. Bu istəklər hardan baxırsan, 15 milyon lirədir. Məndən evin içini ən bahalı əşyalarla təchiz etməmi də istədilər" , - deyə bildirib.

O həmçinin gəlinin atasının onun mal varlığını araşdırdığını deyib:

"Gəlinin atası yaşadığım rayonun bələdiyyəsinə gəlib və adımda olan evlərin, torpaq sahələrinin, əkin sahələrinin siyahısını alıb. Bizim məhəlləyə də gəlib qapı-qapı gəzib. Mənim imkanım haqqımda məlumat toplamağa çalışıb. Mən onu da, məlumatlarımı paylaşan bələdiyyə səlahiyyətlilərini də məhkəməyə vermişəm. Aldadılmaqdan son anda xilas oldum. Bütün tələblərini rədd etdim və ondan ayrıldım".

Telegramda izləyin