Ginnesin Rekordlar Kitabına düşən dünyanın ən yaşlı timsahı 120 yaşında ölüb

Avstraliyanın Kvinslend əyalətindəki Marineland Melanesia Timsah Qoruğunun məşhur sakini Kassius dünyasını dəyişib.

Sonxeber.az 5,5 metr uzunluğu və bir tondan çox çəkisi ilə Ginnesin Rekordlar Kitabına düşən nəhəng timsah əsirlikdə olan ən böyük timsah adına sahib idi.

1984-cü ildə tutulmadan əvvəl gəmilərə hücum edərək və mal-qara ovlayaraq bölgədə qorxu yayan Kassius, sığınacaqda keçirdiyi 37 il ərzində onu tutan timsah ovçusu Corc Kreyqlə xüsusi dostluq münasibətləri qurub. Kreyqin nəvəsi və timsahın gözətçilərindən biri Tudi Skott deyir: "Babam saatlarla Kassiusun yanında oturardı. Son vaxtlar əlil arabasından istifadə etməsinə baxmayaraq, Kassius onu hər görəndə yanına gəlirdi".

Oktyabr ayında 94 yaşlı Kreyq qocalar evinə köçdükdən az sonra Kassiusun səhhəti pisləşməyə başladı. Oktyabrın 15-də sağlamlıq yoxlaması zamanı heç bir problem göstərməyən nəhəng timsah bir neçə gündən sonra yeməkdən imtina edib və şənbə günü səhər öz mühafizəsində ölü tapılıb.

Sığınacaq rəsmiləri sosial mediada etdikləri açıqlamada, "Təbii mühitdəki timsahlardan daha uzun yaşayan Kassius üçün çox darıxacağıq. Onun sevgisi və xatirələri qəlbimizdə yaşayacaq" - deyib.

Vüsalə İbrahimli

Telegramda izləyin