Bu 13 şeyi heç vaxt qabyuyan maşına qoymayın - SİYAHI

Bəzi mətbəx əşyaları yüksək temperatur və güclü su axını səbəbindən qabyuyan maşında zədələnə bilər. Ona görə də bu cür əşyaların əllə yuyulması onları daha təhlükəsiz və uzun ömürlü edir.

Lent.az xəbər verir ki, qabyuyana qoymağınız səbəbilə yararsız hala düşə bilən bəzi əşyaların siyahısını sizə təqdim edir.

1) İti bıçaq

Qabyuyan maşın bıçaqları kütləşdirə. Ona görə də iti bıçaqlarınızı əl ilə yuyun.

2) Dəstəyi boş olan ov bıçaqları

Qabyuyan maşındakı yüksək temperatur içi boş saplı bıçağın iki hissəsini bir yerdə saxlayan yapışqan maddəni əridə bilər. Bu problemin qarşısını almaq üçün onu əl ilə yumaq daha yaxşıdır.

3) Yapışmayan qazan və tavalar

İstehsalçı tərəfindən məhsulun qabyuyan maşında yuyula biləcəyi xüsusi qeyd edilməyibsə bu cür qabları qabyuyan maşına qoymayın. Çünki qabyuyan maşın zaman keçdikcə örtüyü pisləşdirə bilər.

4) Çuqun qablar

Çuqun qablar qabyuyan maşına qoyulmamalıdır. Çünki bu materialın üzərində yapışmayan səth yaratmaq uzun müddət tələb edir və yuyucu vasitələr bu səthi soyaraq, qabı paslanmaya qarşı həssas edir. Sadə su və aşındırıcı olmayan süngərlər ən yaxşı təmizləyicilərdir.

5) Metal bəzək əşyaları

Qabyuyan maşında ən çox çini qablar yuyula bilər. Bununla belə, bu qablarda metal təsvirlər və ya bəzəklər varsa, bəzəyə zərər verməmək üçün onu əl ilə yuyun.

6) Qədim və digər həssas əşyalar

Şüşədən hazırlanmış suvenir əşyalar, qədimi əşyalar və heykəlciklər kimi zərif əşyalar qabyuyan maşından uzaq saxlanılmalıdır.

7) Xurustal qalblar

Bəzi xurustal qablar təkrar yuyulduqdan sonra korroziyaya uğrayaraq bulanıq olur. Ona görə də bu cür qabları yuduğunuz zaman istehsalçının göstərişlərinə uyğun davranın.

8) Alüminiyum qazanlar

Qabyuyan maşınlardakı çox isti su alüminiumun səthini ləkələyə bilər və qabyuyan maşın üçün olan sərt yuyucu vasitələr səthi matlaşdıra bilər. Məhz buna görə də onları qabyuyan maşına qoymayın, çünki onlar yuyulma zamanı hərəkət edərkən yaxınlıqdakı əşyalara təsir göstərə bilər.

9) Plastik qabların bir çox növləri

Əgər onların üzərində "qabyuyan maşında yuyula bilər" qeydi yoxdursa plastik əşyaları qabyuyan maşına qoymayın. "Qabyuyan maşında yuyula bilər" etiketli məhsullar yalnız üst rəfdə yerləşdirilməlidir. Əks halda onlar maşının qızdırıcı elementi tərəfindən əriyə və ya əyilə bilər.

10) Akrildən olan qab dəsti

Çox isti su və sərt qabyuyan məhsullar akril boşqablara və digər qablara zərər verə, çatlamasına və üzərinə çap olunan hər şeyi silə bilər.

11) Ölçü qabları

Yan tərəfində ölçülərin yazılı olaraq göstərildiyi ölçü qablarının əl ilə yuyulması daha yaxşıdır. Çünki vaxt keçdikcə yuyucu vasitə bu qabların üzərindəki ölçüləri silərək onları ölçmək üçün yararsız hala sala bilər.

12) Kağız etiketli hər şey

Qabyuyan maşınlar şüşə və bankalardakı kağız etiketləri yumşalda və poza bilər. Bu zaman kağız parçaları qabyuyan maşının kanalizasiyasına ilişib və ya digər qablara yapışaraq təmizləmə problemlərinə səbəb ola bilər.

13) Üzərində iri yemək parçaları olan qablar

İri yemək parçaları qabyuyan maşının kanalizasiyasını bağlaya və ya təmiz qablara yapışa bilər.

Telegramda izləyin