"Barselona" prezidenti COP29 üçün Bakıya gəlir

İspaniyanın "Barselona" klubunun prezidenti Xuan Laporta Bakıya gəlir.

Sonxeber.az Oxu.az-a istinadən xəbər verir ki, Laporta Bakıda BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasında (COP29) iştirak edəcək.

Laportanın səfəri noyabrın 16-na planlaşdırılıb.

Qeyd edək ki, COP29 noyabrın 11-dən 22-dək Bakıda keçirilir.

Xatırladaq ki, Laportanın 2003-2010-cu illərdə "Barselona"ya rəhbərliyi dövründə komanda dörd dəfə La Liqanı, iki dəfə Çempionlar Liqasını qazanmaqla ümumilikdə 12 kuboka sahiblənib. 2009-cu ildə isə "Barselona" il ərzində altı kubok qazanıb və rekorda imza atıb.

Laporta 2021-ci ilin martın 7-də yenidən "Barselona"nın prezidenti seçilib.

Telegramda izləyin