"Ağdamın işğaldan azad olunması Azərbaycanın ərazi bütövlüyünün təmin olunmasında xüsusi rol oynayır" - POLİTOLOQ

"Ağdamın işğaldan azad olunması Azərbaycanın ərazi bütövlüyünün təmin olunmasında xüsusi rol oynayır. Çünki, Ağdam Azərbaycanın iri yaşayış məskənlərindən biridir. Vaxtı ilə Azərbaycanın çox inkişaf etmiş gözəl şəhərlərindən biri olub".

Bunu Sonxeber.az-a 20 noyabır tarixi, yəni Ağdamın işğaldan azad olunması ilə bağlı olaraq politoloq Elçin Xalidbəyli danışıb.

O, açıqlamasında qeyd edib ki, zamanla Ağdam Azərbaycanın və Qafqazın ən gözəl şəhərlərindən birinə çevrilmək imkanı qazanacaq:

"Ermənistanın işğalından sonra Ağdamda kütləvi dağıntılar törətdilər, daşı-daş üstə qoymadılar. Dünyada hamını təəccübləndirəcək səviyyədə vəhşiliklər törətdilər. Ağdam hətta son zamanlar açıq şəkildə bəyan olunur ki, Qafqazın xerosiması vəiyyətinə salınıb. Çünki, tamamilə dağıdılmış bir şəhərdir. Ağdam erməni vəhşiliyinin ən qabarıq şəkildə müşahidə oluna biləcəyi bir vəziyyətdə idi. Azərbaycan dövləti bu önəmli şəhəri işğaldan azad olunmasına nail olub və hazırda Ağdamın yenidən tikilməsi, orda yenidən şəhər salınması istiqamətində intensiv tikinti işləri aparılır. Ağdamlıların oraya, öz dədə-baba yurdlarına geri qaytarılması üçün dövlətin bütün imkanları səfərbər olub. Yaxın gələcəkdə, yəqin ki, Ağdam erməni vəhşiliyindən xilas olmuş önəmli şəhər kimi yenidən həm Azərbaycanın, həm də Qafqazın ən gözəl şəhərlərindən birinə çevrilmək imkanları qazanacaq".

Vüsalə İbrahimli

Telegramda izləyin