İlin sonuna qədər Ermənistan işğal altında olan 4 kəndi Azərbaycana qaytaracaq? - AÇIQLAMA

2024-cü ilin əvvəlindən Azərbaycanla Ermənistan arasında sülh müqaviləsinin imzalanacağı bildirilir. Lakin Qazaxın 3 kəndi və Kərki hələ də Azərbaycana qaytarılmayıb.

Bəs görəsən ilin sonuna qədər Ermənistanın əlində olan 4 kəndi Azərbaycana qaytara bilərmi?

Mövzu ilə bağlı hərbi ekspert Səxavət Məmməd Sonxeber.az – a açıqlama verib:

"2024-cü ilin əvvəlindən iddia edirdilər ki, Azərbaycanla Ermənistan arasında sülh müqaviləsi imzalanacaq. Amma o dönəmdən bəri dediyim kimi, Azərbaycanla Ermənistan arasında sülh müqaviləsinin bağlanması asan məsələ deyil. Dünyada bütün münaqişə ocaqlarının alovlandığı bir zamanda istər Rusiya-Ukrayna olsun, istər Yaxın Şərqdə baş verənləri nəzərə alsaq, düşünürəm ki, Azərbaycan və Ermənistan arasında sülh müqaviləsinin bağlanmasına icazə verməzlər. 2024-cü ildə dörd kənd Azərbaycana qaytarıldı və əlavə Qazax istiqamətindən üç kəndin və Kərkik kəndinin qaytarılması ehtimalı var. Amma indiki proseslər onu göstərir ki, Ermənistan o kəndləri qaytarmayacaq. Ən azından növbəti ilə bu proseslə girmək istəməyəcəklər. Ona görə də dörd kəndin Azərbaycana qaytarılması 2025-ci ilə qaldı. Gələn il bu proses necə və hansı məcrada davam edəcək bunu indidən demək çətindir. Çünki, dünyada münaqişə ocaqları alovlandıqca Cənubi Qafqazda da gərginlik artır. Praktik olaraq biz Gürcüstanda baş verən proseslərin şahidiyik. Ermənistanda da baş vermə ehtimalı olan proselər var. Ona görə də indiki məqamda sülhdən danışmaq hələki tezdir. Həm Azərbaycan, həm də Ermənistan tərəfi bildirib ki, danışıqlar prosesi növbəti ilə saxlanılıb. Düşünürəm ki, bu proses hələ bir qədər vaxt alacaq. Əksinə tərəflər arasında gərginliyi bir qədər də artırmağa çalışacaqlar. Bu da regionda eskolasiyanı və müharibə ehtimalını artıracaq".
Çiçək Sadatova

Telegramda izləyin