"Azərbaycan dövlətinin mövqeyi bu məsələdə birmənalıdır" - POLİTOLOQ

"Qərbi azərbaycanlıların geridönüşü ilə bağlı məsələ, təbii ki, Azərbaycan dövlətinin diqqətindədir. O cümlədən, icma formalaşır və Qərbi Azərbaycan İcması yarandığı müddətdən aktiv fəaliyyət göstərməkdədir. İcmanın hazırladığı bir çox sənədlər də ləyaqətli geridönüşlə bağlı BMT-də yayılıb və bir çox dövlətlərə, nümayəndələrə təqdim olunub".

Bunu Sonxeber.az-a politoloq Oktay Qasımov danışıb.

O, açıqlamasında qeyd edib ki, geridönüşlə bağlı qarşıda görüləcək çox ciddi işlər var:

"Təbii ki, bu istiqamətdə ardıcıl işlər görülməkdədir. Bakıda da keçirilən beynəlxalq konfrans bu məsələnin nə qədər aktual olduğunun göstəricisidir. Geridönüş məsələsi zaman aparan bir vəziyyətdir. Digər tərəfdən nəzərə alsaq ki, Azərbaycan və Ermənistan arasında münasibətlər hələ də normallaşmayıb və faktiki olaraq savaş vəziyyəti qalmaqdadır. Ehtimallar da kifayət qədər böyükdür. Digər tərəfdən nəzərə alsaq ki, bu münaqişənin uzunmüddətli tarixçəsi var və bu yalnız dövlətlərarası deyil, eyni zamanda cəmiyyətlər arasında da kifayət qədər ciddi ziddiyətlər mövcuddur. Belə ki, Erməni cəmiyyəti hələ də türk düşmənçiliyindən, faşist, millətçi, şovnist zehniyyətdən hələ də xilas olmayıb. Bu baxımdan sözügedən məaələlərin uzun zaman aparacağı bəllidir. Amma, Azərbaycan dövlətinin mövqeyi bu məsələdə birmənalıdır. Ən azı o baxımdan ki, Qarabağ ermənilərinin geridönüşünü istəyən qüvvələr nəzərə almalıdılar və qəbul etməlidilər ki, bunun qarşılığı eyni zamanda asimmetrik formada qərbi azərbaycanlıların öz doğma, dədə-baba torpaqlarına qayıdışı ilə paralel aparıla bilər, başqa variant mümkün deyil. Məhz, bu səbəbdən əlbəttə ki, bu geridönüşlə bağlı qarşıda görüləcək çox ciddi işlər var. Bu sistemli, davamlı, uzunmüddətli və kifayət qədər ağır prosesdir deyə bilərik. Bunun üçün xeyli əmək və enerji sərf olunmalıdır. Böyük ümidlər var ki, bu məsələ öz müsbət həllini tapacaq".

Vüsalə İbrahimli

Telegramda izləyin