Sosial media paylaşımı ilə 12 yaşlı qızın istismar edildiyi üzə çıxdı

İzmirdə 12 yaşlı qızla bağlı sosial şəbəkələrdə yazılanları görən bir şəxs polisə müraciət edərək uşağın zorakılığa məruz qalmasından şübhələndiyini bildirib.

Sonxeber.az türk mediasına istinadən xəbər verir ki, məlumat üzərinə hərəkətə keçən polis, Bornova rayonunda yaşayan uşaq və ailəsini tapıb. Komandalar uşaqla görüşüblər. Azyaşlı qızın zorakılığa məruz qaldığı, zorla nalayiq fotolar çəkdirməyə və cinsi əlaqəyə məcbur edildiyi müəyyən edilib.

Ana, ögey ata və uşağın fotoşəkilindən istifadə edən model agentliyinin məmuruna qarşı "ədəbsiz nəşrlərin hazırlanmasında uşaqlardan istifadə etmək", "şəxsi azadlıqdan məhrum etmə", "şəxslərə qarşı səriştəli cinsi istismar" ittihamları ilə cinayət işi açılıb.

İzmir 12-ci Ağır Cəza Məhkəməsində keçirilən prosesdə təqsirləndirilən ögey ata H.E "uşağa qarşı cinsi zorakılıq" maddəsi ilə 38 il 3 ay, uşağı fahişəliyə sövq etmək ittihamı ilə 12 il, "ədəbsizlik" cinayətinə görə 8 il müddətinə azadlıqdan məhrum edilib.

Barəsində həbs qətimkan tədbiri seçilən ana H.E "Uşağı fahişəliyə sövq etmə" ittihamı ilə 18 il, "zor və hədə-qorxu ilə şəxsi azadlığından məhrum etmə" ittihamı ilə 15 il, "ədəbsiz hərəkət" maddəsi ilə 8 il müddətinə azadlıqdan məhrum edilib.

Azyaşlı qız dövlət himayəsinə alınıb.

Telegramda izləyin