"Sığınacaq Tapan Qəlblər" adlı xeyriyyə məqsədli ziyafət yeməyi təşkil edilib - VİDEOREPORTAJ

"Sığınacaq Tapan Qəlblər" adlı xeyriyyə məqsədli ziyafət yeməyi təşkil edilib. 8 dekabr 2024-cü il tarixində "Kitchen Plus" restoranında Gənclər İnkişaf Naminə İctimai Birliyinin nəznində fəaliyyət göstərən Abşeron Qadın və Uşaq Sığınacağının təşkilatçılığı ilə "Sığınacaq Tapan Qəlblər" adlı xeyriyyə məqsədli ziyafət yeməyi təşkil edilib.

Sonxeber.az xəbər verir ki, tədbirdə bir sıra nazirlər, komitə sədrləri, millət vəkilləri, dövlət rəsmiləri, o cümlədən xeyriyyəçi iş adamları iştirak edib. Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra şəhid övladlarından ibarət "Zəfər Sədası" xor qrupu çıxış edib.

Tanınmış jurnalist İslam Qədirlinin aparıcılığı ilə baş tutan tədbirin açılış nitqini Gənclər İnkişaf Naminə İctimai Birliyinin sədri, Abşeron Qadın və Uşaq Sığınacağının təsisçisi Rəvan Cəfərli və sığınacağın direktoru Zülfiyyə Əliyeva qonaqları salamlayaraq birlikdə gördükləri işlər, sığınacağın fəaliyyəti, gələcək layihələr barədə ətraflı məlumat verib.

Sonra isə tədbirin qonaqlarına söz verilib. İlk öncə Azərbaycan Respublikası Gənclər İdman Naziri Fərid Qayıbov, Ailə, Qadın və Uşaq Problemləri üzrə Dövlət Komitəsinin sədri Bahar Muradova, Ədliyyə Nazirliyinin Penitensiar Xidmətinin rəis müavini, ədliyyə general-mayoru Orxan Qasımov, ABF-nin prezidenti Taleh Ziyadov, 4 saylı qadın cəzaçəkmə müəssisəsinin rəis müavini Lamiyə Əliyeva, Millət Vəkili Musa Qasımlı və digər Millət Vəkilləri çıxış edərək öz dəyərli fikirlərini bölüşüb və sığınacağa dəstəyini bildirib. Həmçinin tanınmış xeyriyyəçi iş admları Qubad Qubadov, Sakit Səmədov, Hacı Nuran, Məhkum Qadınların Cəmiyyətə Qayıdışı İctimai Birliyinin sədri, AQUS-nın Himayədarlar Şurasının sədri Fira Cəlilova, Xəzər rayonu Məhkəmə Hakimi Aynur Məmmədova, YAP-nın, İcra Hakimiyyəti, Sosial Xidmətlər Agentliyinin nümayəndələri, tanınmış klinika rəhbərləri və həkimlər, Naxçıvan Muxtar Respublikasının Yazıçılar və Bəstəkarlar Birliyinin üzvü Arzu Bədəlova, şairə , bəstəkar ictimai xadim, iş adamı, RİHİM İB-nin sədri Arzu Bağırova, Azərbaycan İncəsənət Məktəbinin təsisçi/direktoru kinorejissor Amil Alioğlu iştirak edib.

Sonra isə Azərbaycan Respublikasının Əməkdar Artisti Firuzə İbadova və Gülüstan Əliyeva öz mahnıları və "Kəlağayı" rəqs qurupu öz rəqsləri ilə tədbirin bədii hissəsinə keçid edib. Daha sonra isə gənc xanəndə Həsrət Əzizli Bayatı Şiraz muğamını ifa edib.

Telegramda izləyin