Qayınanasının borcu olan şəxs tərəfindən öldürüldü

Türkiyədə Ramazan Usun adlı şəxs Aksarayda qayınanasının 20 min lirə borcu olan şəxs tərəfindən bıçaqlanaraq öldürülüb.

Sonxeber.az türk mediasına istinadən xəbər verir ki, hadisə saat 15.30 radələrində Aksaray Kiçik Bölcək məhəlləsində baş verib. Muhammet Ceritli'nin (26) idarə etdiyi avtomobil Ramazan Usun (29) idarə etdiyi avtomobilin arxasına çırpılıb. Ceritli maşınından düşüb Usunu döyməyə başlayıb. Dava getdikcə böyüyüb və Ceritli əlindəki bıçaqla Usuna sinəsindən və ayağından xəsarət yetirib.

Ətrafdakılar məlumat verdikdən sonra hadisə yerinə təcili tibbi yardım və polis sövq edilib.

Təcili tibbi yardımla xəstəxanaya aparılan Uslu bütün müdaxilələrə baxmayaraq dünyasını dəyişib.

Nəzarətə alınan Ceritli ilk ifadəsində "Ramazan Usunun qayınanası Ümmühan A-nın mənə 20 min TL borcu var idi. Mən onu alacaqdım" ,- deyə bildirib.

Ceritli polis bölməsindəki əməliyyatlardan sonra sövq edildiyi məhkəmə tərəfindən həbs edilib.

Faktla bağlı istintaq davam edir.

Telegramda izləyin