Təyyarə idarəetmədən çıxaraq magistral yola düşüb: 4 nəfər xəsarət alıb - VİDEO

Dünən saat 15:00-da Texas ştatının Viktoriya şəhərində təcili eniş etmək istəyərkən təyyarə magistral yola çırpılaraq yarıya bölünərək üç avtomobilə dəyib.

Sonxeber.az xarici mediaya istinadən xəbər verir ki, 1981-ci il istehsalı olan Piper PA-31 tipli iki mühərrikli təyyarənin magistral yola düşmə anı təhlükəsizlik kameralarına düşüb.

Kadrlarda təyyarənin böyük sürətlə yola enməyə çalışdığı görünür. Nisbətən düz eniş etsə də, böyük xaos hökm sürürdü. Qəzadan sonra təyyarənin ikiyə bölündüyü və hissələrinin ətrafa səpələndiyi görülüb.

Müəyyən edilib ki, toqquşmaya məruz qalan avtomobillərdən biri yan tərəfdə olub, onun ön şüşəsi yerindən çıxıb və bir hissəsi sınıb.

Viktoriya Polis Departamentinin rəis müavini Eline Moya Victoria East Liseyi yaxınlığında baş verən qəzada 3 nəfərin yüngül, 1 nəfərin isə ağır yaralandığını açıqlayıb.

"Bunun daha pis nəticə vermədiyinə sevinirik. Bu, hər gün qarşılaşdığımız vəziyyət deyil" - dedi Moya.

Vüsalə İbrahimli

Telegramda izləyin