Qadının mədəsindən 1 kilo metal əşya tapıldı

Mersinin Erdemli rayonunda əqli qüsurlu qadın xəstənin mədəsindən 1 kiloluq metal əşya tapılıb.

Sonxeber.az xarici mediaya istinadən xəbər verir ki, rayonda yaşayan əqli qüsurlu A.K. qarın ağrısı şikayəti ilə Erdemli Dövlət Xəstəxanasına müraciət edib. Xəstə üzərində aparılan müayinə nəticəsində qadının mədəsində çoxlu metal əşyaların olduğu müəyyən edilib.

Xəstə, ümumi cərrah Dr. O, Can Terzier və komandası tərəfindən təcili əməliyyata götürülüb və qarnından mismar, armatur, boyunbağı vəs. kimi təxminən 1 kilo ağırlığında çoxlu metal əşyalar çıxarılıb.

Xəstənin əməliyyatının uğurlu keçdiyini, hazırda səhhətinin stabil olduğunu bildirən Dr. Terzier əqli qüsurlu xəstələrin heç vaxt tək qalmaması lazım olduğunu ifadə edərək, yaxınlarından bu mövzuda həssas olmalarını istəyib.

Vüsalə İbrahimli

Telegramda izləyin