Metroda yatan qadını tanımadığı şəxs yandıraraq öldürüb - VİDEO

Nyu Yorkda dəhşətli hadisə baş verib. Metroda yatan müdafiəsiz qadın tanımadığı şəxs tərəfindən yandırılaraq öldürülüb.

Sonxeber.az xarici mediaya istinadən xəbər verir ki, hadisə bazar günü səhər saatlarında Bruklin şəhərindəki Coney Island metro stansiyasında baş verib. Qvatemaladan olan mühacir olduğu müəyyən edilən şübhəli şəxs metro vaqonunda yatan qadına yaxınlaşaraq alışqanla yandırıb.

Yaxınlıqda olan növbətçi polis əməkdaşları tüstünü görüb müdaxilə edib, lakin təəssüf ki, qadını xilas etmək mümkün olmayıb və o, hadisə yerində dünyasını dəyişib.

Nyu York Polis Departamentinin (NYPD) komissarı Jessica Tisch bu vəhşi qətli "insan övladının edə biləcəyi ən dəhşətli cinayətlərdən biri" kimi qiymətləndirdi. Təhlükəsizlik kamerası görüntülərində şübhəlinin sakitcə qadının yanmasını izlədiyi görünür.

Maraqlıdır ki, şübhəli şəxs hadisədən sonra stansiyada qalıb və skamyada oturub. Hadisəni araşdıran polis onu sadəcə olaraq platformanın ərazisini boşaltmaq üçün aparıb, onun şübhəli olduğunu anlamayıb.

Daha sonra 3 orta məktəb şagirdi polisə müraciət edərək, şübhəli şəxsi başqa metro stansiyasında gördüklərini bildiriblər. Polis həmin şəxsi Herald Meydanında başqa metroda yaxalayıb. O, hadisə zamanı geyindiyi paltarı geyinib və cibindən alışqan tapılıb.

Müəyyən edilib ki, şübhəli şəxs 2018-ci ildə ABŞ-a daxil olub və Arizona ştatında sərhəd patrul xidməti tərəfindən saxlanılıb. Nyu-Yorkda əvvəllər heç bir cinayət qeydi olmayıb. Polis hücumçunun qurbanı tanımadığını və bunun təsadüfi hücum olduğunu düşünür.

NYPD komissarı, şübhəlini görən və polisə xəbər verən cəsur lisey şagirdlərinə xüsusilə təşəkkür etdi.

Vüsalə İbrahimli

Telegramda izləyin