533 metr uzunluğunda körpü uçdu: 2 ölü, 10 itkin var - VİDEO

Braziliyada baş verən dəhşətli qəzada 533 metr uzunluğundakı körpünün uçması nəticəsində turşu tankeri və 6 avtomobil çaya düşüb. Qəzada 2 nəfər həyatını itirib, 10 nəfərdən isə xəbər yoxdur.

Sonxeber.az xarici mediaya istinadən xəbər verir ki, çaya düşən avtomobillər arasında iki motosiklet, üç yük maşını və bir minik avtomobili də var. Səlahiyyətlilər yük maşınlarından birinin sulfat turşusu daşıdığını təsdiqləyib və xilasetmə işləri təhlükəsizlik baxımından dayandırılıb.

Qəza nəticəsində motosiklet sürən 25 yaşlı qadın və 46 yaşlı kişi ölüb. 3-11 yaş arası səkkiz böyük və iki uşaqdan xəbər yoxdur. Ayağı sınmış bir nəfər xilas edilib.

1961-ci ildə açılan və heç vaxt təmir olunmadığı bildirilən körpünün uçması Braziliyada infrastruktur problemlərini yenidən gündəmə gətirib. Həmin gün ölkədə baş verən digər qəzalarda 41 nəfər avtobus qəzasında, 10 nəfər isə təyyarə qəzasında həlak olub.

Vüsalə İbrahimli

Telegramda izləyin