Dənizə balıq tutmağa getdi, tülkü ilə qayıtdı - VİDEO

Ötən gecə İstanbulun Beşiktaş səmtində maraqlı hadisəsi baş verib. Dostları ilə balıq tutmaq üçün qayıqla dənizə gedən Özay Yıldız çubuqlarını dənizə atarkən suyun üzərində çırpınan tülkü görüb.

Sonxeber.az xarici mediaya istinadən xəbər verir ki, vəziyyəti dərhal dostlarına danışan Yıldız tərəddüd etmədən suya girib və tülkünü xilas edərək qayığa aparıb. Yıldız daha sonra Təbiəti Mühafizə və Milli Parklar Ümumi Müdirliyi qrupları ilə əlaqə saxlayaraq tülkünü səlahiyyətlilərə təhvil verib. Qruplar reabilitasiya prosesinə başlamaq üçün tülkünü Yıldızdan alıblar.

Yıldız "Əvvəlcə bunun it olduğunu düşündük. Daha doğrusu, bunun su samuru olduğunu düşündük. Heyvan bizdən iki metr aralıda idi. Gecə saat 04:00-da hava qaralmışdı. Beləliklə, bir az bulanıq görünürdü. Heyvanın suyu udmaması üçün əsasən süpürgə vasitəsi ilə yuxarı qaldırdım. Vəhşi heyvan olduğu üçün dostları dişləyə biləcəyindən qorxdu və ona yaxınlaşa bilmirdilər. Dedim, bundan sonra ən pis halda məni bir dəfə dişləyəcək. Heyvanın boynundan tutub yuxarı qaldırdım. Heyvan artıq çox soyuq idi və suyu udmuşdu. Bu heyvan yəqin ki, 2-3 saat suda qalıb", - dedi.

Vüsalə İbrahimli

Telegramda izləyin