Vətəndaşdan xəbərsiz adından onlayn bank krediti götürmək mümkündürmü? - AÇIQLAMA

Son günlər sosial mediada vətəndaşlar onların adından tanımadıqları şəxslərin onlayn şəkildə banklardan kredit götürdüyünü bildirirlər.

Bəs görəsən vətəndaşın xəbəri olmadan onun adından bankdan onlayn kredit götürmək mümkündürmü?

Mövzu ilə bağlı bank eksperti Əkrəm Həsənov Sonxeber.az – a açıqlama verib:

"Kredit götürmək üçün əvvəlcə bankla vətəndaş arasında müqavilə bağlamalıdır. Həmin müqavildə əgər kredit onlayn olacaqsa, bu mütləq qeyd olunmalıdır. Vətəndaş buna özü əvvəlcədən razılıq verməlidir. Vətəndaşın xəbəri olmadan onlayn kredit götürmək olmaz. Əgər belə bir hal baş verirsə, deməli həmin şəxs öz parol və kodlarını kiməsə verib və ya ondan xəbərsiz kimsə bu məlumatları əldə edib. Mən hər zaman vətəndaşlara tövsiyyə edirəm ki, kredit üçün banklarla müqavilə bağlayan zaman bunu onlayn şəkildə etməsinlər. Kredit götürmək istəyirlərsə, banka getsinlər. Bunu real şəkildə həyata keçirsinlər. Çünki, bizdə informasiya təhlükəsizlik sistemləri elə də güclü deyil. Onlayn kreditlərdən olduqca qaçmaq lazım"

Çiçək Sadatova

Telegramda izləyin